bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

papiros
cumpartzi custa noa cun sos amigos tuos invia mail stampa

Noas


31/10/2010

Un'archìviu informàticu pro sas limbas de minoria.

Lu sunt faghende in Trento.

Ant incaminadu, dae pagu, in Trento, su Progetu Rete europea pro sos deretos linguìsticos de sos tzitadinos de minoria.  Su progetu, aprovadu dae su "Servizio Civile Nazionale", cunsistet in sa creatzione de un'archìviu informàticu pro sas limbas de minoria. S'atividade la faghent in su Servìtziu pro sa promotzione de sas minorias linguìsticas locales, in collaboratzione cun s'Ufìtziu Servìtziu Tzivile de sa Provìntzia Autònoma. Bi traballant bator giòvanos, chi ant  coladu una seletzione fata s'istade colada.
S'obietivu est a realizare una rete istitutzionale chi, colende·nche sas distàntzias e sas dificultades de comunicatzione, agiuet sos cumcàmbios e sas ocasiones de addòviu intre sas minorias linguìsticas.
Duncas b'at a àere initziativas comunas pro  atràere  s'interessu  de sas levas noas, siat in su setore culturale (comente,  pro nàrrere, mustras de arte, cuntzertos, manifestatziones isportivas…) siat in su setore professionale (addòvios intre imprendidores giòvanos, cursos, pràticas amministrativas, e totu gasi)
Pro totu s'ierru,  sos voluntàrios ant a collire datos, bibliografias,  informatziones  pro sa connoschèntzia  e s'aprofondimentu de su mundu de sas minorias.
In beranu de su 2011 ant a presentare sos resurtados de su traballu.

# Sarvadore Serra



 

#Sarvadore Serra

» in segus