bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

papiros
cumpartzi custa noa cun sos amigos tuos invia mail stampa

Noas


22/10/2010

Progetu Ubuntu in sardu

Su sistema operativu lìberu e de badas Linux

Unu grupu de espertos est giai a puntu bonu in sa tradutzione in sardu de su sistema operativi lìberu Ubuntu, alternativu a sos prus nòidos e cumertziales Windows e MacOs.

Àteras limbas de àteras natziones sena istadu comente sos Catalanos, sos Bascos lu tenent giai.
Est craru chi unu progetu che a custu tenet bisòngiu de pessones meda, ca b'at una cantidade manna de frases chi cherent bortdas in sardu.

Su grupu de su Progentu Ubuntu in sardu si presentat su 23 de santugaine de su 2010 in Casteddu, Facultade de Ingenieria, in ocasione de su LINUX DAY pro presentare su progetu ma finas pro agatare voluntàrios noos.

Custa de su 23 est s'ocasione pro totu sos voluntàrios chi si nche cherent marcare in su Progetu UiS pro leare cuntatu cun sos animadores Massimeddu e Lisandru.

Chie però non podet èssere presente, podes leare cuntatu iscriende a:
massimeddu(at)gmail.com
ale.camboni(at)gmail.com

Sa cosa noa e bella de custu progetu est chi pro èssere "operativu" a beru e universale at isseberadu un'istandard linguìsticu, sa LSC / Limba Sarda Comuna. Un'issèberu obrigadu, mescamente in su mundu de s'informàtica, in ue o est "0" o est "1".
Su mundu de sos carculadores, finas sos personales, est unu mundu in ue cumandant sos tèrmines, chi sunt e devent èssere unìvocos e no interpretàbile liberamente. Ca si nono, "non torrant sos contos"

Isperemus chi custa esperièntzia no abbarret a sa sola. S'idea de localizare programas informàticos o sistemas operativos in sardu agradat a medas, ma pro lu fàghere bi cheet traballu meda, mescamente voluntàriu, una mercantzia oramai rara!
Amus chircadu de sighire sa localizatzione de OpenOffice in sardu, ma s'est mesu firmada. Gasi etotu pro Firefox chi no est galu cumpretadu, a su chi ischimus nois.

# dsc

#Sarvadore Serra

» in segus