bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

papiros
cumpartzi custa noa cun sos amigos tuos invia mail stampa

Noas


20/10/2010

Su Prèmiu Gràtzia Deledda 2010 a "Sa Losa de Osana"

Su reconnoschimentu a su romanzu de Giuanne Frantziscu Pintore

Sa Losa de Osana, publicadu dae sas editziones COndaghes, at otentu su Prèmiu Gràtzia Deledda, setzione sarda, de su 2010.
Chenàbura 22/10/2010, a sas bator e mesu de merie,  in su Teatru Eliseu de Nùgoro, b'at a àere sa premiatzione.

Pintore, in Sa Losa de Osana contat de: "Mistèrios, faulas e malas trassas in sa Sardigna de oe chi abbàidat cun ogros noos su passadu de s'ìsula.
Sarbana, giòvana archeòloga in pessu laureada, s'afrontat cun s'establishment de sa Subrintendèntzia e de s'acadèmia. Sa sorte la faghet addoviare cun Nurai, giornalista de unu cuotidianu italianu chi la ponet a traballare paris cun isse pro bogare a craru cosas pagu ladinas in sos manìgios archeològicos in Sardigna. In Rèmules addòviat istudiosos de unu sòtziu archeològicu chi li mustrant una losa antiga in su sartu de una bidda a curtzu, Osana. B'at unu retàngulu de brunzu iscritu. A nde bènnere a cabu l'agiudant s'amoradu, etruscòlogu in Firenze, un'archeòlogu fiorentinu mannu de tempus, unu epigrafista bascu. E no issos ebbia."

Su libru est de 320 pàginas, in formadu 250x351 mm, costat € 14,00

#Sarvadore Serra

» in segus