bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

papiros
cumpartzi custa noa cun sos amigos tuos invia mail stampa

Noas


12/12/2008

Bursas de istùdiu de sa regione pro agiuare sa connoschèntzia e s'afortimentu de sa limba sarda

Un'ocasione pro giòvanos, editores, istuiados e Univarsidades / Iscadèntzia su 29-12-2008

CASTEDDU, 9 de Nadale de su 2008. B'at tempus finas a su 29.12.2008 pro leare parte a sos interventos chi punnant a a animare e a agiuare s'impreu de sa limba sarda: bursas de istùdiu, progetos de collaboratzione e initziativas sotzio-culturales.
Sunt 10 sas bursas de istùdiu destinadas a giòvanos sardos laureados pro una chirca —cun riferimentu particulare a s'istùdiu de sa metodologia de sa didàtica pro imparare sa limba sarda in iscola— in custas bator àreas disciplinares: Limba e literadura de Sardigna (7 bursas), Istòria de sa Sardigna (1 bursa), Istòria de s'Arte (1 bursa), Deretu (1 bursa). Cada candidadu podet cuncùrrere pro un'àrea disciplinare ebbia.

Àteras 3 bursas de istùdiu sunt destinadas a giòvanos laureados in matèrias umanìsticas, àmbitu linguìsticu, pro cuncordare una chirca subra de sas metodologias de sa didàtica de imparòngiu de sa limba sarda in iscola.
Pro cada bursa de istùdiu sunt destinados 10.000 èuros brutos.

Podent èssere presentadas finas dimandas dae Universidades istràngias pro otènnere unu finantziamentu pro istituire cursos de limba sarda.
Cun fundos apòsitos podent èssere finantziadas initziativas culturales, cursos, seminàrios in logu istràngiu, semper de limba o literadura sarda.
A ùrtimus, sunt dispostos finantziamentos pro sa tzessione a sa Regione de deretos de publicatzione in su situ web regionale de registratziones de garas poèticas e de òperas didàticas pro imparare su sardu in iscola.
Totu sa documentatzione e sos mòdulos de dimanda sunt a disponimentu in sa pàgina web de sa RAS:

#Sarvadore Serra

» in segus