bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

papiros
cumpartzi custa noa cun sos amigos tuos invia mail stampa

Noas


23/10/2008

"Atòngiu Literàriu" in sas Provìntzias de Ogiastra, Gaddura, Tàtari

Presentada de libros iscritos in sardu

A pustis de sa manifestatzione mutida "Beranu Literàriu", s'Ufìtziu de sa Limba Sarda de sa Provìntzia de s'Ogiastra sighit a dare tretu a is autores sardos chi ant detzìdiu de iscrìere is libros issoro in sardu.
Custa bia sa presentada non s'at à fàghere feti in sa Provìntzia de Ogiastra ma finas in sa Provìntzia de Gaddura e in sa Provìntzia de Tàtari.
Cun su beranu literàriu  s'ULS de s'Ogiastra at batidu sete iscritores sardos in sete bidddas de sa Provìntzia; is autores ant presentadu su libru issoro, e custa est istada peri s'ocasione pro allegare de is prospetivas de sa limba sarda oe e in su tempus benidore, non feti in sa literadura ma in generale in sa vida de cada die.
Como sa manifestatzione sighit e diventat prus manna, e punnat a fàghere allegare de su sardu in sa literadura e non solu peri is biddas de is àteras duas provìntzias. Difatis 10 Comunus de sa Provìntzia de Tàtari e 4 de sa Provìntzia de Gaddura ant aderidu a su progetu "In Sardu, sa Limba Nostra", cun capofila sa Provìntzia de s'Ogiastra.
S'Atòngiu Literàriu est duncas s'ocasione pro cumintzare s'atividade de su rpogetu finas in custas biddas.

#Sarvadore Serra

» in segus