bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

papiros
cumpartzi custa noa cun sos amigos tuos invia mail stampa

Noas


14/10/2008

Polìticas e Leges pro sas limbas minoritàrias a cunfrontu

Friulanos, Ladinos, Otzitanos, Aligheresos, Sardos

A s'addòviu organizadu dae s'Ufìtziu de sa Limba Sarda de sa Provìntzia de Aristanis in Donigala Fenughedu su 10-10-2008 ant leadu parte espertos chi sunt bènnidos dae Friluli, Ladìnia, Otzitània italiana, S'Alighera, operadores de sos isportellos linguìsticos, espertos e apassionados de limba sarda.

Su tema fiat sa legislatzione linguìstica, sas polìticas linguìsticas de sas minorias e sas prospetivas de una polìtica linguìstica noa e cuncreta in Sardigna. In particulare, un'ipòtesi de lege noa de polìtica lingìstica pro sa Sardigna.

Ant presentadu s'atividade de s'Uls de Aristanis s'assessore prvintziale de sa cultura Cristiano Carrus e su diretore de s'Uls provintziale Sarvadore Cubeddu.

Ant faeddadu Marco Stolfo, friulanu, Vittorio dell'Aquila, chi òperat cun sa limba ladina, Marco Viola de sa provìntzia autònoma de Trento, Giacomo Lombardo, otzitanu, Carles Sechi, aligheresu.

Totus ant afirmadu su bisòngiu de colare dae cunsiderare sas limbas issoro comente patrimòniu culturale ebbia a las afortire comente mèdios de comunicatzione in cada àmbitu e impreu.

S'ùnica possibilidade de tempus benidore pro sas limbas nostras, a pàrrere de sos relatores, est chi si cunvertant in limbas "normales" e ufitziales in intro de cada comunidade natzionale minoritària interessada. Duncas est pretzisu chi sas limbas minoritària siant limbas de s'amministratzione, de s'iscola, de sos mèdios de comunicatzione.

A merie, at cumpretadu sa die de istùdiu unu cunfrontu de sos relatores moderadu dae Giosepe Coròngiu, diretore de su servìtziu de sa Limba Sarda de sa Regione Autònoma de sa Sardigna.

Inoghe, pro comodidade de chie non fiat presente, publicamus sos interventos de sos relatores, gasi comente los amus registrados.

#Sarvadore Serra

Corongiu_relatores.mp3-
Coròngiu e relatores
sechi.mp3-
Carles Sechi
Lombardo.mp3-
Lombardo
cristiano_carrus.mp3-
Cristiano Carrus
stolfo.mp3-
Marco Stolfo
cubeddu.mp3-
Sarvadore Cubeddu
dellaquila.mp3-
Vittorio dell'Aquila
viola.mp3-
Marco Viola
» in segus