bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

papiros
cumpartzi custa noa cun sos amigos tuos invia mail stampa

Noas


28/09/2011

Una pellìcula in catalanu pro s'Oscar

Est "Pa negre", de Agustí Villarong, e nch'at coladu a Almodovar

 

Pa negre, de Agustí Villaronga, est sa pellìcula ispagnola  chi at a gherrare pro una candidadura  in sos  Oscar. Est sa prima bia chi  una pellìcula girada in catalanu at a rapresentare su tzìnema ispagnolu  in sos prèmios  de Hollywood. De seguru  non fiat sa favorida  de su triu finalista (La voz dormida, de Benito Zambrano, e La piel que habito, de Pedro Almodóvar), però sos acadèmicos  ant detzìdidu  chi custu drama subra de su pustis gherra in una badde  de Catalugna  devet èssere s'imbiada a sa de 84 editziones  de sos Oscar in sa setzione  de sa mègius pellìcula de limba no inglesa.

Pro su majorchinu Villaronga, unu tzineasta cun un'istile suo  e chi at bintu ocannu, cun custu traballu, su Premio Nacional de Cinematografía  de Ispagna, at a èssere sa prima presèntzia sua in su cuncursu de sos Oscar, cun custa chi est una  versione de unu romanzu  de Emili Teixidor. Sos protagonistas de sa pellìcula sunt  Nora Navas e su pitzinnu  Francesc Colomer.


#Sarvadore Serra

» in segus