bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

papiros
cumpartzi custa noa cun sos amigos tuos invia mail stampa

Noas


31/08/2011

Cheret a promòvere sa limba gaèlica

Lu pessant sos duos tertzos de sos iscotzesos

Duos tertzos  de sos iscotzesos pessant chi tocat a fàghere de prus pro promòvere  sa limba gaèlica:  gasi resurtat dae un'istùdiu demoscòpicu fatu de reghente.

Semper e cando resurtat  chi, pro s' 81 pro chentu de sas pessones,   est importante chi s'Iscòtzia non perdat  s'erèntzia linguìstica sua.

Su demoistùdiu l'at fatu su guvernu iscotzesu;  at interessadu  1,009 de pessones;  at inclùdidu unas cantas chistiones chi pertocant sa limba, che a s'usu currente suo, s'insinnamentu, su patrimòniu lessicale. Su  70 pro chentu  de sos intervistados  at naradu chi bi diant chèrrere prus oportunidades  de imparare su gaèlicu;  su 90 pro chentu  at pretzisadu chi sos pitzinnos  diant dèvere istudiare s'istòria , sa cultura, sas traditziones, sa limba e sa literadura de Iscòtzia.

Su ministru de s'istrutzione Alasdair Allan at cummentadu: "Su guvernu iscotzesu  at semper crètidu in s'importàntzia  de su gaèlicu pro su patrimòniu culturale nostru, pro su turismu e pro s'economia;  custu istùdiu mustrat  chi su prus de sos iscotzesos  sunt de acordu chi sa limba  est a beru una cosa  de profetu".

#Sarvadore Serra

» in segus