bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

papiros
cumpartzi custa noa cun sos amigos tuos invia mail stampa

Noas


23/08/2011

Comente su guvernu ispagnolu agiuat  sas limbas galitziana e catalana

Destinados a sa normalizatzione linguìstica 236 milliones de èuros a annu

Su guvernu ispagnolu  destinat  prus de 236 milliones de èuros a annu  a sa  normalizatzione linguìstica de su galitzianu e de su catalanu. Una partida de sas tassas  de totu sos tzitadinos ispagnolos l'ant destinada in esclusiva a sas comunidades autònomas cun limba coufitziale -francu su Paisu Bascu e  Navarra, chi non faghent  parte de su regìmene  comunu de finantziamentu- cun sa finalidade  de normalizare s'impreu  de custas  limbas chi lis narant "autonómicas".

In base a su modellu de finantziamentu de sas autonomias, cale si siat elementu diferentziale  est cunsideradu dae su  Consejo de Política Fiscal y Financiera unu valore de difèndere  e, duncas, tenet bisòngiu de finantziamentu pùblicu. Dae su minimòngiu de sa populatzione a s'insularidade, colende pro sa limba "autonómica" o s'edade de sos  abitantes,  totu balet  pro partzire su dinare de su fundu comunu.

Su modellu de finantziamentu, aprovadu dae su  guvernu istatale e dae sas comunidades autònomas in su  2009 (in vigore), istabilit su pagamentu de 236,85 milliones de èuros a sas comunidades cun  limba coufitziale, in contu  de ‘normalizatzione  linguìstica.  Custa suma si la partzint  sa Generalidad de Cataluña (97,9 milliones de èuros), sa  Generalidad de la Comunidad Valenciana (61,6 milliones de èuros), sa Junta de Galicia   (45,9 milliones de èuros) e su  Gobierno autonómico de las Islas Baleares (31,2 milliones de èuros).



#Sarvadore Serra

» in segus