bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

papiros
cumpartzi custa noa cun sos amigos tuos invia mail stampa

Noas


13/08/2011

Su libru in sardu est prus bellu

Laboratòriu in sardu pro sos pitzinnos de sas elementares in Ulìana

S'Ufìtziu de sa limba sarda (Provìntzia de Nùgoro), s'assessoradu a sa cultura de sa Comuna de Ulìana, cun s'agiudu de sa biblioteca comunale, sunt ammaniende unu laboratòriu in sardu pro sos pitzinnos de sas elementares. Su tìtulu est: "Su libru in sardu est prus bellu". Sas letziones las faghent in cabudanni. Valentina Schirru, operadora ispetzializada de sa didàtica in limba sarda, at a ghiare sos giòvanos partetzipantes in s'iscritura in sardu. S'argumentu isseberadu pro sas atividades laboratoriales est "Sos contos antigos". Sa finalidade est a agiuare sos pitzinnos a intrare in ballassa cun sas règulas de s'iscritura e de sa letura in sardu, pro garantire a custa limba un'àmbitu comunicativu nou. Su laboratòriu s'at a cuncruire cun sa produtzione de elaborados dae bandas de sos iscolanos. Custos elaborados los ant a presentare  in ocasione  de su Festival de literadura pro sa pitzinnia  "Tuttestorie", in  programa in Ulìana su sete, s'oto e su noe de santugaini. Pro si singiare a su laboratòriu  tocat a andare a biblioteca.

#Sarvadore Serra

» in segus