bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

papiros
cumpartzi custa noa cun sos amigos tuos invia mail stampa

Noas


20/08/2011

Unu ditzionàriu in lìnia de tèrmines informàticos in catalanu

L'at publicadu su Termcat

Su TERMCAT pùblicat sa terminologia e sa  fraseologia prus comunas  in  custu campu de atividades  pro agiuare  su protzessu  de creatzione o tradutzione de produtos informàticos in catalanu.
In su ditzionàriu b'at  prus de 6.000 ischedas: 2.450 ischedas collint  terminologia multilìngue de interessu  pro su campu  de sa localizatzione (ofimàtica, editzione eletrònica, cummèrtziu eletrònicu, telefonia mòbile, internèt, videogiogos, e totu gasi.), e  3.650 ischedas  collint esempros  de unidades  fraseològicas, in catalanu e in  inglesu, impitadas a fitianu in sa  redatzione  e tradutzione  de produtos informàticos.
Custu istrumentu  permitet de intrare a sa lista alfabètica de totu sos  tèrmines e unidades fraseològicas (moende dae catalanu, ispagnolu, frantzesu  e inglesu) e abèrrere sas ischedas, o finas de fàghere  in manera direta  chircas elementares o avantzadas. Si podet finas incarcare  in s'optzione "Accés temàtic" e filtrare petzi sas unidades  terminològicas o  fraseològicas.
In manera cumplementare, si podet cunsultare  su documentu  "Localització de productes informàtics", chi collit  unos cantos orientamentos linguìsticos e terminològicos pro sa  redatzione o tradutzione de produtos informàticos in  catalanu.
S'òpera faghet parte de sa colletzione " Diccionaris en Línia", chi includet regortas  de terminologia a fùrriu de campos diferentes  de ispetzialidade che a sa  "Terminologia dels videojocs" o su "Diccionari dels mercats financers". Permitet finas  sa discàrriga  de su cuntenutu ("Terminologia Oberta") in unu formadu XML istandard e sa creatzione  de una  lista PDF a dimanda, cun una lissèntzia de impreu abertu.
Su TERMCAT est un'organismu  cun partetzipatzione de sa "Generalitat de Catalunya",  de s' "Institut d’Estudis Catalans" e de su  "Consorci per a la Normalització Lingüística", chi si incàrrigat  de coordinare e promòvere sas  aplicatziones terminològicas in limba catalana.

#Sarvadore Serra

» in segus