bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

papiros
cumpartzi custa noa cun sos amigos tuos invia mail stampa

Noas


10/08/2011

Sarvadore Acàmpora segretàriu nou de ProgReS

L'ant elèghidu in su Cungressu Natzionale

Sarvadore Acampora (29 annos, de Lanusè, archeòlogu e operadore culturale) est su segretàriu natzionale nou  de ProgReS – Progetu Repùblica. In su Cungressu Natzionale chi ant  fatu in Arbatax  isse e su grupu suo  ant collidu su cunsensu de sos ativistas, chi ant finas elèghidu a presidente a Omar Onnis, garante de su Manifestu polìticu presentadu in s'ocasione.

In s'interventu suo  su segretàriu in essida Bobore Bussa, (chi at ghiadu in sos meses colados sa fase costituente cumintzada cun s'Assemblea de su duos  de ghennàrgiu de ocannu in Santa Cristina), at faeddadu de sas tapas printzipales chi nch'ant giutu a su Cungressu, abergende unu dibàtidu cun sos rapresentantes  de sas àteras formatziones polìticas in s'optzione indipendentista-soveranista comente  alternativa a s'autonomismu. At finas saludadu s'Ogiastra,  ammentende  sa situatzione dramàtica de Chirra. At cuncruidu s'incàrrigu suo augurende  bonu traballu  a su segretàriu nou e espressende  su cuntentu mannu suo  mescamente pro sa voluntade  colletiva de investire a beru in sos giòvanos  e in unu progetu polìticu e de  guvernu de sa Sardigna credìbile e innovadore.

Acampora, a bètia de s'esperièntzia manna sua cròmpida in annos de polìtica, est su segretàriu prus giòvanu de partidu de s'istòria de Sardigna,  e unu de sos prus giòvanos in Europa.

Su segretàriu nou at manifestadu  sa voluntade  de propònnere solutziones risolutivas  in sos territòrios, andende prus in gasi  de sa polìtica de denùntzia, faghende·si portaboghe de unu partidu pluralista e abertu in ue esperièntzias e propostas diferentes siant a tretu de si pònnere in pare  pro elaborare unu  progetu de guvernu  beru  de sa regione sarda, in sa prospetiva de sa repùblica venidora


#Sarvadore Serra

» in segus