bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

papiros
cumpartzi custa noa cun sos amigos tuos invia mail stampa

Noas


06/08/2011

S'Unione de sas Comunas de s'Anglona in favore de su Pranu pro sa limba sarda

In mesu de s'àteru, proponent  s'insinnamentu  de matèrias  curricolares  in sa limba nostra

Un'atzione de propaganda de s'Unione de sas Comunas  de s'Anglona, in  favore de su Pranu Triennale pro   sa cultura e sa limba sarda. L'ant proposta  su sìndigu de Pèrfugas Màriu Satta e su sìndigu  de  Codaruìna (Valledoria) Tore Terzitta, presidente de s'Unione. 
S''Unione at a fàghere un'òrdine de sa die pro amparare  una petitzione elaborada in propòsitu dae su sìndigu de Pèrfugas. Totu custu in s'ìnteri chi in  sa Regione sunt arresonende de s'aprovatzione  de su finantziamentu de sos progetos  inditados in su pranu.  Sas contrariedades sunt pagas, ma diant pòdere pònnere in perìgulu totu una sèrie de progetos chi interessant  sas formas prus diferentes de defensa e isvilupu de su patrimòniu culturale nostru. 
Su  testu de  petitzione l'ant imbiadu finas  a sa  Provìintzia de Tàtari, pro chi aprovet finas issa un'òrdine de sa die,  e a s' Ufìtziu Iscolàsticu Regionale,  pro chi pòngiat  s'insinnamentu  de matèrias  curricolares  in limba sarda in mesu de sos issèberos chi sos istudentes sardos podent fàghere.

#Sarvadore Serra

» in segus