bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

papiros
cumpartzi custa noa cun sos amigos tuos invia mail stampa

Noas


03/08/2011

S'addòviu europeu de sos giòvanos chi faeddant limbas minoritàrias

L'ant fatu in sa capitale basca Vitòria

Sos giòvanos chi ant leadu parte  in un'addòviu  fatu in custas dies in sa Facultade de Lìteras  de sa capitale basca Vitòria ant pedidu a sas  autoridades de mandare a dae in antis polìticas linguìsticas  chi "assegurent s'impreu  de sas limbas minoritàrias". Issos creent chi sos guvernos  devent agiuare  sa "creatzione de ispatzios " pro agiuare a impitare  s'euskera e àteras limbas minoritàrias medas chi, siat in intro de Europa siat in foras, sunt arrischende de nche las pònnere a un'ala.

Custa cosa l'ant detzìdida in s'ùrtima die  s'  Addòviu europeu de sos giòvanos chi faeddant limbas minoritàrias, a ue b'at acudidu pessones medas in pessamentu pro su tempus venidore de sas limbas issoro rispetivas. A pustis chi ant analizadu sas esperièntzias de cada logu  e ant ascurtadu cun atentu  su pàrrere de unos cantos espertos, sos partetzipantes ant iscritu unu manifestu in ue ant craridu su chi tocat a fàghere.

In particulare, issos pedint a sas autoridades su  "reconnoschimentu legale" de totu sas limbas  "in cunditziones  de egallidade ". Prus in cuncretu, pessant chi totu sos paisos devent firmare  sa Carta Europea de sas Limbas, e fàghere a manera chi siat aplicada. 

Resurtat chi  40 milliones de tzitadinos de sa UE impitant in manera regulare una limba regionale o minoritària istòrica. Sa chistione est chi, cunforma a datos de s' Unesco, prus de trinta limbas europeas sunt in perìgulu.


#Sarvadore Serra

» in segus