bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

papiros
cumpartzi custa noa cun sos amigos tuos invia mail stampa

Noas


02/08/2011

Abertu in Thiniscole s'ufìtziu de sa limba sarda

A tutelare sa limba regionale e a garantire su bilinguismu  est una prioridade

Su patrimòniu est de sos chi non cherent pèrdidos. Sa cultura de su logu non si podet permìtere de nche fàghere mòrrere sa limba sarda, chi est arrischende de iscumpàrrere cun su tempus. Finas in Thiniscole, duncas, ant abertu un'ufìtziu pro sa limba sarda, cun s'idea de promòvere sas atividades e sos servìtzios ligados a sa defensa de s'identidade nostra.

Su servìtziu l'ant postu in òpera pro more de su progetu provintziale "Guvernare cun sa limba", finantziadu dae sa lege istatale 482. Si tratat de unu traballu articuladu in castas de interventos diferentes, pro agiuare una polìtiica de sa limba  prus dinàmica e afortire s'impreu de su sardu in sas comunicatziones de cada die. Finalidades de importu, duncas,  chi pro si cuncretizare tenent bisòngiu de un'isfortzu sinèrgicu intre istitutziones, servìtzios pùblicos e tzitadinos.

S'amminiistratzione comunale de Thiniscole at adderidu deretu a su progetu, e sa gente nd'est cuntenta manna. S'ufìtziu est abertu cada die dae sas oto a sa una in sa biblioteca comunale de carrera de Roma. "Est pretzisu a difùndere s'impreu de su sardu in mesu de sos giòvanos - at craridu s'assessore a sa cultura Pedru Carta - e custu progetu  previdet una sèrie de atividades pro fàghere impitare de prus  sa limba sarda, iscrita e faeddada. A custu propòsitu semus ammaniende unas cantas manifestatziones. In giogu b'at sa supravivèntzia  de unu cantzu essentziale de sa cultura nostra. A tutelare sa limba regionale e a garantire su bilinguismu - at concruidu Carta - est una prioridade".


#Sarvadore Serra

» in segus