bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

papiros
cumpartzi custa noa cun sos amigos tuos invia mail stampa

Noas


05/08/2011

A nche torrare sos nùmenes antigos a sas carreras de Tàtari

Sa proposta presentada a su presidente de sa prima tzircuscritzione

A nche torrare sos nùmenes antigos a sos gutureddos  de sos bighinados betzos de Tàtari,  e a nche pònnere sas targas cun sos nùmenes de su tempus de sos ispagnolos in unas cantas carreras e pratzas de sa tzitade.  

Sa proposta l'ant fata su cussigeri de tzircuscritzione  Màriu  Ibba e s'istòricu de s'arte  Lisandru Ponzelletti, e l'ant imbiada a su  presidente de sa prima tzircuscritzione Giosepe Màsala.

Su dinare, narant,  si diat pòdere agatare siat cun unu cuntributu de sa tzircuscritzione, siat cun una dimanda  de finantziamentu a entes o assòtzios, o finas cun una dimanda de cuntributu  a sa Provìntzia de Tàtari cunforma a sa lege regionale 26 de su 1997, chi previdet agiudos a sos entes locales  pro nche torrare sos topònimos in sardu.

Pro sa toponomàstica de s'època ispagnola, imbetzes, s'idea est a fàghere intrare sa proposta in sos progetos  de sas "Città Regie",  gasi comente ant fatu, pro nàrrere,  in S'Alighera.


#Sarvadore Serra

» in segus