bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

papiros
cumpartzi custa noa cun sos amigos tuos invia mail stampa

Noas


17/07/2011

Sardistas e bilinguismu

Sa positzione de su Psd'az. in sa pàgina ufitziale Facebook

Su partidu sardu de atzione at naradu sa sua a propòsitu  de sa chistione de sa limba sarda. L'at fatu in sa pàgina ufitziale sua de Facebook. Amus pessadu de nche pònnere su testu finas in custu situ. S'isperu est chi finas sos àteros partidos espressent sa positzone issoro

 

A totu sos Sardos

 

 

Dae pagu tempus in goi sa

Segreteria est ponende capu a sa chistione de sa Limba Sarda. Po primu at

graminau bene totu su chi s'est fatu cun sas lezes bessidas fintzas a oe, po la

sarbare e po la mentenner in bonu.  

 

E at bidu chi in 15 annos

isperimentande, cun proas po dare inditos e ponende dinare prus de su tantu, su

Guvernu 'e sa Regione no est galu a tretu, timende a si torrare a pessare, de

cherrer ponner su sardu in totu sas iscolas de Sardinna, s'urtimuna.

 

A su Partidu Sardu li paret chi

no est ora de fagher cantaza po cale limbazu imparare in iscola; ischit chi unu

"standard" tocat a lu ponner po limba de ufìtziu, e chi su Sardu si

depet chistionare in donzi bidda e in totu sos Comunes, cadiunu a sa moda chi

an semper connotu.

 

Sos sardistas dian cherrer chi,

pro imparare su Sardu, intren mastros capassos e bolontadosos, ca jai bi nd' at

medas, chi chirchen sa menzus manera de amostrare unu limbazu chi s'addatet a

su logu suo. Oe chi est oe, su 'e pessare a unu sardu solu e a limbazos

difenentes, tocat a sos de s'Universidade chi anden isperimentande, amentande

chi sun cosas chi arrecheden tempus meda, a bida intrea, e chi in custu tenen

importu mannu giornales e televisiones.

 

Oe e tantu b'at de tocheddare a

ue tocat,  e de ispuntorzare po che

ponner Cultura e Limba Sarda in su 'e imparare po leze in totu sas iscolas

prùbbicas, chene isetare s'intertenimentu de carchi mastru bolontadosu o tempus

de azunta. Totu su ch'est in podere suo sa Regione lu depet fagher, po

s'Iscola, ponende in mesu sos chi in s' Iscola ogan de conca e cumandan, e

ogande a campu zente capassa, de manera chi su Sardu intret in totue e po

semper in totu sas iscolas, comitzande dae sa Limba Sarda che matèria de

òbbrigu.

 

Su "Piano Triennale" po

sa Limba Sarda 2011-2013 chi at amaniau sa Regione, ponet po s' Iscola unu

tantu de dinare chi, a parre nostru, est meda prus pagu de su tantu chi diat

serbire.

 

Sos Sardistas sun peleande dae

meda po sa Cultura nostra chi non nos cheren amiter, ca semus petzi nois, intro

'e sos Populos de s' Europa, chi non podimus dare s'importu chi at, a sa Limba

nostra, cun s'idea de cuberare puru mezorju e traballu, e tirande mencari

carchi cosa 'e bonu, in su mentres chircande sos deritos de su

"bilinguismu", chi tenen àteros che a nois.

 

Chene tenner timoria peruna, cun

una bona Furriada in polìtica e cultura, est capassu chi sa zente noa, sos

zòvanos, si nde potan sapire de prus, e apan disizu e cuntentu de esser parte

de una Nassione, che a su Populu Sardu e totu.

 

 


#Sarvadore Serra

» in segus