bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

papiros
cumpartzi custa noa cun sos amigos tuos invia mail stampa

Noas


12/07/2011

Su Cantu de sei

Poesia improvisada in Sìnnai

A torrare a pònnere in contu sa poesia improvisada chi siat! Sìnnai si ponet in prima fila,  cun sa  prima editzione de "Su Cantu de sei", ammaniada dae su  Circolo Legambiente "Su Tzinnibiri", cun s'agiudu de sa Comuna, de assòtzios culturales, de s'Isportellu de sa Limba Sarda de sa Provìntzia e de Legambiente Sardigna.

Est belle una mobilitatzione, cun s'idea  de interessare improvisadores de biddas diferentes.

Sa manifestatzione l'ant aberta sa sìndiga noa  Bàrbara Pusceddu e s'assessore nou  a sa cultura, ispetàculu e traditziones  locales Frantziscu Matta, chi ant postu in craru  sa netzessidade  e s'importàntzia de vardare  e fàghere andare a dae in antis una traditzione nòbile a beru   - galu, pro bonaura, cun raighinas fortes in su territòriu -  chi devet èssere unu fatore agregante e identitàriu chi non si nde podet fàghere a mancu.

Su primu sero, Brunu Melis de Sìnnai e Dolores Dentoni de Ceraxus si sunt  classificados in sos primos duos postos de sa "versada" e ant otentu  su deretu de andare a s'àteru turnu.

Custa chenàbura chi benit  ant a leare parte in sa manifestatzione improvisadores de Sètimu, Quartu, Quartucciu, Sìnnai, Ceraxus e Carbònia.


#Sarvadore Serra

» in segus