bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

papiros
cumpartzi custa noa cun sos amigos tuos invia mail stampa

Noas


04/07/2011

Ocannu sa de binti editziones de su Prèmiu de Poesia Sarda "Remundu Piras"

Bi podent leare parte  sos poetas e sos istudentes  de sas iscolas  primàrias  e segundàrias

Ocannu  b'est sa de binti editziones  de su Prèmiu  de Poesia Sarda “Remundu Piras” chi s'Assòtziu Culturale Interrios at ammaniadu  pro ammentare  su poeta famadu, nàschidu e pàschidu in Biddanoa Monteleone; s'Assòtziu at tentu  s'agiudu de sa Regione Sarda, de sa Provìntzia de Tàtari, de s'Amministratzione Comunale de sa bidda e de sa Fundatzione  Bancu de  Sardigna. 

Bi podent leare parte  sos poetas e sos istudentes  de sas iscolas  primàrias  e segundàrias. Tocat chi sas òperas  no las apant publicadas mai e no las apant premiadas mai in àteros concursos. Su tema est lìberu. Sos testos nche devent cròmpere  a sa Segretèria de su Prèmiu  “Remundu Piras”,  Carrera Natzionale, 251 – 07019 Biddanoa Monteleone intro de su 31 de trìulas.

De sa giuria nde faghent parte: Màriu Màsala, Presidente Onoràriu; Pàulu Pillonca, Presidente; Maria Sale, poetessa; Frantziscu Piras, fìgiu de su poeta; Lenardu Meloni, rapresentante de s'Assòtziu  Culturale Interriors.
A sos premiados lis ant  a dare libros subra de sa cultura sarda  o produtos de sa bidda.

Ligàmene: http://notizie.alguer.it/n?id=42065

#Sarvadore Serra

» in segus