bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

papiros
cumpartzi custa noa cun sos amigos tuos invia mail stampa

Noas


21/06/2011

Pro guvernare su Màrghine in sardu

Finas  Bolòtana est in su progetu

Sa Comuna de Bolòtana at adderidu a su progetu linguìsticu Pro guvernare su Màrghine in sardu, propostu pro sas biddas chi s'agatant in custu àmbitu territoriale. Ant aprovadu finas sa dimanda de unu finantziamentu de 35mìgia de èuros pro mandare a dae in antis sa cosa.
Su progetu, chi tenet a ghia sa Comuna de Sindia, l'ant fatu pròpiu finas àteras comunas de sa zona chi l'ant a dèvere realizare in forma assotziada. B'at in previsione s'abertura de un'isportellu linguìsticu e atividades culturales. S'idea est a assegurare un'impreu efetivu de sa limba sarda in cada comuna, moende dea su raportu cun su pùblicu in sos ufìtzios comunales e dae sas delìberas de su cussìgiu e de sa giunta chi ant a dèvere tènnere s'iscritura bilìngue. Finas sos mòdulos, sa toponomàstica e sos singiales de sas carreras ant a èssere in sardu e in italianu.
Ma b'at finas interventos chi pertocant in manera ispetzìfica su setore culturale e didàticu. In particulare, sunt punnende a cointeressare sas iscolas in progetos chi tèngiant comente finalidade sa connoschèntzia, s'usu e sa difusione de sa limba sarda.

#Sarvadore Serra

» in segus