bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

papiros
cumpartzi custa noa cun sos amigos tuos invia mail stampa

Noas


12/06/2011

Benit prus male a trampare su cherbeddu bilìngue

Gasi resurtat dae istùdios fatos in Canadà, Ìndia e Tzina

In una sèrie de istùdios fatos  in Canadà, Ìndia e Tzina (Hong Kong), unos cantos psicòlogos  ant dimustradu  chi sos indivìduos chi faeddant duas limbas nadias e chi impreant ambas duas limbas  in manera regulare sunt prus àbiles de sos monolìngues in una sèrie de proas chi medint s'abilidade de operare in presèntzia de distratziones .

Sos istudiosos ant impitadu su  “giogu de  Simone”, una proa usada pro medire sas abilidades mentales. A sos voluntàrios los ant positzionados  cara a un'elaboradore in ue bidiant essende a campu  unu cuadradu  chi podiat èssere o ruju o biaitu. Sa tarea issoro fiat a incarcare unu  pulsante de sa tastera  cunforma a su colore in ue essiat su cuadradu. Sos resurtados mustrant  chi sos chi tenent  duas limbas maternas sunt superiores  a sos monolììngues   in s'esecutzione  de custu esertzìtziu  cognitivu.

Sos istudiosos ghiados dae sa professora Ellen Bialystok 
de s'Universidade de  York (Canadà), ant ipotizadu chi sa netzessidade de dèvere tènnere  duas limbas in simultànea  in su cherbeddu istìmulat sas capatzidades organizativas de sa mente, produende un'abilidade prus manna  in s'esecutzione de tareas cumplessas. Una segunda ipòtesi diat tocare, imbetzes, sa memòria de traballu, chi diat èssere prus isvilupada in sos sugetos bilìngues, e duncas lis permitet de  registrare e elaborare mègius  sas  informatziones.    

Dae: http://bilinguismoregionale.splinder.com/post/21460811/piu-difficile-abbindolare-il-cervello-bilingue


#Sarvadore Serra

» in segus