bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

papiros
cumpartzi custa noa cun sos amigos tuos invia mail stampa

Noas


06/06/2011

Su Comitadu pro sa limba sarda pedit a votare contra a su nucleare

Gasi narat in unu comunicadu

Su Comitadu pro sa limba sarda sustenet su referendum subra de su  nucleare. A pustis de àere ''aderidu a su Comitadu  promotore pro su  referendum consultivu subra de su nucleare in Sardigna'' pro otènnere  s'obietivu de sa vitòria de su Si, ''est cuntentu mannu - b'at iscritu  in una nota - e torrat gràtzias a totu sos aderentes suos pro s'ativismu  e pro s'espressione issoro de votu, chi pessamus  chi siat istada  plebissitària, leende parte in custa grandu manifestatzione  de unidade  de sa 'Natzione sarda', e torrat gràtzias a totu sos partetzipantes e sos organizadores chi gasi meda e bene ant operadu  pro cròmpere a s'obietivu''.
 ''Su Comitadu - sighit sa  nota - sustenet sa netzessidade  di un'impinnu ulteriore  in su referendum abrogativu de su nucleare chi b'est su  12 e su 13 de làmpadas'', ma ''a parte  de  invitare a votare Si in cussu abrogativu istatale, retenet de non cointeressare totu sos aderentes suos  cun inditos  pro sos àteros referendum, ca  sa cumpositzione  de sos aderentes  e sustenidores de su  Comitadu pro sa limba sarda est, in manera ampra,  bipartìdista  e pluralista, unidos  comente sunt dae sa voluntade  de difèndere  e isvilupare sa limba sarda''.
 ''Sos àteros  referendum diferentes dae su de su nucleare - agabbat sa nota -, pro su cuntenutu polìticu issoro de alliniamentu, agatant valutatziones diferentes e a s'ispissu contrapostas   in mesu de sos aderentes a Su comitadu pro sa limba sarda''.

#Sarvadore Serra

» in segus