bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

papiros
cumpartzi custa noa cun sos amigos tuos invia mail stampa

Noas


26/05/2011

Un'apellu pro sa limba sarda a sos candidados in ballotàgiu

Lu faghet su Comitadu pro sa Limba Sarda

Dae su Comitadu pro sa Limba Sarda retzimus e publicamus:

Ogetu: Apellu pro sa limba  sarda a sos candidados a sìndigu  in ballotàgiu in Casteddu, Iglèsias, Sìnnai
Casteddu 26 de maju  2011

APELLU DE “SU COMITADU PRO SA LIMBA SARDA”

a sos candidados a sìndigu de Casteddu, Iglèsias e Sìnnai chi si cunfrontant in sos ballotàgios rispetivos :

“Su Comitadu pro sa limba sarda” est cumbintu chi sa polìtica linguìstica  in  favore de sa minoria linguìstica sarda tèngiat unu  caràtere cumpartzidu e chi s'eletoradu,  in su pessu suo,  podet premiare o nono s'impinnu cuncretu de sos partidos  e de sos amministradores in custu setore crìticu pro s'identidade natzionale de sos sardos.

Su “Comitadu pro sa limba sarda” at notadu  sa mancàntzia belle totale,  in sos programas eletorales  e in sas decraratziones de voluntade  de sas listas  e de sos candidados a sìndigu  de totu sas fortza polìticas  e alliàntzias  de tzentrudestra, de tzentrusinistra  o indipendentes, de argumentos chi pertocant sa limba sarda.

Su Comitadu pro sa limba sarda, cunforma a sa Lege 482/ 99, "Normas in matèria de tutela de sas minorias linguìsticas istòricas ", pedit

a sos candidados a sìndigu  de Casteddu  e de Sìnnai :

s'impinnu, in casu de eletzione, a creare s'Isportellu linguìsticu  comunale e a finantziare comente si tocat  una polìtica linguìstica  comunale, comente ant giai fatu  in comunas medas a beru de sa Sardigna.


a sos candidados a sìndigu de  Iglèsias :

semper cunforma a sa Lege 482/99, una decraratzione de impinnu a tales chi su Cussìgiu comunale delìmitet territorialmente sa Comuna de Iglèsias comente apartenente  a sa minoria linguìstica  sarda e si creet s'Isportellu linguìsticu comunale.

a su sìndigu elèghidu de Carbònia :

s'impinnu a sa delimitatzione  territoriale de sa Comuna  de Carbònia, chi como non b'est, comente rechedet sa lege 482/99, cunditzione pro pòdere otènnere sas providèntzias de sa lege matessi e  abèrrere s'Isportellu linguìsticu comunale, atuende una polìtica linguìstica  comunale pro sa minoria linguìstica sarda .

#Sarvadore Serra

» in segus