bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

papiros
cumpartzi custa noa cun sos amigos tuos invia mail stampa

Noas


27/05/2011

Sas dies de sos deretos linguìsticos in Teramo

Interventos de valore organizados dae s'Universidade

Ant fatu in custas dies sas  Quinte Giornate dei Diritti Linguistici, s'addòviu chi cada annu  nche giughet a s'Universidade de  Teramo istudiosos de totu su mundu  pro arresonare  de sas problemàticas  ligadas a sos deretos liguìsticos.

S'argumentu de ocannu si inserit in unu dibàtidu – apoderadu dae  Enrica Galazzi, de s'Universidade Catòlica  di Milanu, e dae Marie-Christine Jullion, de s'Universidade Istatale de Milanu – subra de su raportu intre  plurilinguismu e mundu de su traballu.

Organizadas a initziativa  de Giovanni Agresti, chircadore de limba frantzesa in sa facultade de Sièntzias Polìticas de  Teramo, agiuadu pro custa editzione  dae Cristina Schiavone, chircadora de limba frantzesa in s'universidade de  Macerata, sas  Dies de sos Deretos Linguìsticos s'isvilupant  cun sa collaboratzione  de s'assòtziu  LEM-Italia, de su DORIF (Centro di documentazione e di Ricerca per la didattica della lingua francese nell’Università italiana), de sos ateneos de Teramo e de Macerata, cun s'agiudu de assotziados istitutzionales e privados medas.

Su Cussìgiu de Europa, rapresentadu finas ocannu  dae su diretore de su Segretariadu  de sa Carta europea de sas limbas regionales o minoritàrias, Alexey Kozhemyakov,at reconnotu dae meda su valore de s'initziativa  e sa parte chi tenet su polu de chirca e divulgatzione  in su campu de sas limbas minoritàrias  chi s'Universidade de  Teramo est cunsolidende a livellu internatzionale.

Medas sos òspites, non de Europa ebbia, ma finas de  Nordamèrica, Àfrica, Àsia, Otzeània. In mesu de sos àteros, su geògrafu Roland Breton, professore emèritu de sa Sorbona, chi at presentadu cun unos cantos collegas  italianos(Domenico Silvestri, Cristina Vallini) e frantzesos (René G. Maury) s' Atlante mundiale de sas limbas;  su giurista canadesu Fernand de Varennes,  unu de sos mègius espertos mundiales de su raportu  intre deretos linguìsticos e deretos umanos;  Boubacar Boris Diop, iscritore senegalesu de limba frantzesa, in sos ùrtimos annos torradu a sa limba wolof; Massimo Arcangeli, italianista e responsàbile sientìficu  de sas tzertificatziones  de limba  italiana de sa   Società Dante Alighieri.  

 

 


#Sarvadore Serra

» in segus