bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

papiros
cumpartzi custa noa cun sos amigos tuos invia mail stampa

Noas


08/05/2011

Est essidu su cuncursu de poesia improvisada "Su cantu de sei"

S'idea est a tutelare e promòvere "Su mutetu"

Su sòtziu Legambiente Su Tzinnibiri” e “Sa domu de sa cantada” de Sinnai in collaboratzione cun  “Su Framentu” de Cenzo Spiga-Quartu S.E., “Sa domu ‘e su cantu” de Daniele Filia – Sinnai, cun su Patronadu de sa Comuna de Sinnai e de s''isportellu  de sa limba sarda  de sa Provìntzia de Casteddu “ Portalitu de sa lìngua sarda”, bogat a lughe su primu cuncursu de poesia improvisada   “SU CANTU DE SEI “,  cun s'idea de  tutelare e promòvere “ Su mutetu”, espressione istraordinària e ùnica de càntigu improvisadu, e, in su matessi tempus, de vardare su  patrimòniu comunitàriu e colletivu  de sa limba sarda.

Sa partetzipatzione  est aberta  a sos poetas improvisadores de cale si siat  edade e sessu,  “diletantes “ o “professionistas”, cun s'intentu  de dare prus logu e visibilidade mescamente  a sos giòvanos,  chi s'ant a pòdere avvàlere  de su cuntributu  de esperièntzia de  sos “cantadoris” prus antzianos  e giai afirmados.

B'at duas setziones : “Mutetu longu” e “Mutetus a dus peis” . Sos binchidores de sas duas setziones ant a retzire  sa riprodutzione in oro de su  logotipu de su cuncursu. At a èssere assinnadu  unu prèmiu ispetziale   a s'improvisadore finalista prus giòvanu. In manera cumpatìbile  cun sas disponibilidades  de s'ente organizadore, ant a pòdere èssere assinnados prèmios e produtos artesanales  de su territòriu  a totu sos cuncurrentes.

Sas dimandas  de parteztpatzione  devent  pervènnere  intro de su  bintighimbe  de làmpadas.


#Sarvadore Serra

» in segus