bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

papiros
cumpartzi custa noa cun sos amigos tuos invia mail stampa

Noas


12/04/2011

Duas dies de istùdiu a propòsitu de s'istandard linguìsticu

Las faghent in s'Universidade de Casteddu su 15 e su 16 de custu mese

Chenàbura su  15 de abrile, dae sas chimbe de merie,   e sàbadu su 16, dae  sas noe de mangianu, inche s’ Àula Vittoria Sanna (Dipartimentu de  Linguìstica e Istilìstica) de sa Facultade de Limbas de s'Universidade de  Casteddu, b'at duas dies de istùdiu  a propòsitu de s'istandardizatzione de sas limbas. S'apuntamentu  est intituladu “S'istandard  linguìsticu, Esperièntzias e protzessos”. 

Su primu interventu  at a èssere de  Frantziscu Casula (de su Comitadu pro sa limba sarda), chi at a tratare s'argumentu  de s'insinnamentu  de su sardu  in iscola. Pustis, s'istudiosu  Katsuyuki Takenaka (de s'Universidade  de  Aichi, Giappone), at a faeddare de s'istandardizatzione  de su giaponesu e de sas dificultades de acurtziare  sa limba iscrita  a sa limba faeddada. In fines, su professor  Joan Argenter (de s' Institut d’Estudis Catalans), at a tratare su tema de s'istandardizatzione  de su catalanu.

Su professor Joan Armangué (de s'Universidade  de Casteddu) at a falare in s'ispetzìficu, tratende su protzessu de istandardizatzione de s'aligheresu, cando chi Joan-Elies Adell (Diretore de s'Espai Llull de s'Alighera), at a espònnere  sos ùrtimos progetos  finalizados  a s'avvaloranetu  de su catalanu  de s'Alighera  in iscola  e su rolu de sa limba  comente istìmulu  pro s'economia
At a cungiare sos traballos  Antoni Pinna (de sa Pontificia Facoltà Teologica de sa Sardigna) cun un'interventu a propòsitu de  “Su Cànone II de sa liturgia catòlica. Un’esperièntzia dae variantes  a istandard“.

A s'organizatzione de s'eventu  ant leadu parte su  Dipartimentu de  Linguìstica e Istilìstica de s'Universidade  de sos Istùdios de Casteddu e  su Tzentru de Chirca «Arxiu de Tradicions de l’Alguer», in collaboratzione cun sa  Societat Catalana de Llengua i Literatura, s' Institut d’Estudis Catalans, s'Espai Llull de s'Alighera  e s' Institut Ramon Muntaner.

#Sarvadore Serra

» in segus