bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

papiros
cumpartzi custa noa cun sos amigos tuos invia mail stampa

Noas


08/04/2011

Internacia Junulara Festivalo

S'at a tènnere in Pornassio (Itàlia), dae su 20 a su 26 de abrile, su Festival  internatzionale de s'esperanto

 

S'at a tènnere in  Pornassio (Itàlia), in fratzione Colle di Nava, dae su 20 a su 26 de custu mese, su  Festival Giovanile Internatzionale (IJF Internacia Junulara Festivalo), grandu eventu annuale amaniadu dae sa Gioventude Esperantista Italiana (IEJItala Esperantista Junularo).


S'assòtziu  – setzione giovanile de sa Federatzione Esperantista Italiana fundada in su 1947 e titulada dae su Ministèriu  de sos Afares Èsteros – persighet dae sas orìgines suas sa  finalidade de  ispàrghere sa cultura esperantista in mesu de sos giòvanos, cun s'organizatzione  de addòvios, cunferèntzias, seminàrios, e mescamente de s'apuntamentu fissu de su  Festival Internatzionale, chi traditzionalmente lu faghent  in sas festas de Pasca de abrile e agasàgiat giòvanos dae totu su mundu, in un'atmosfera de  crèschida e agregazione, in ue s'alternant  cun sabiore  mamentos de  formatzione e disvagu, totu suta de sa bandera  de s'esperanto, sa limba  internatzionale creada dae L. L. Zamenhof in su 1887.

S'esperanto in s'istòria sua  s'est irrichidu  cun una cultura sua - literària, musicale, e totu gasi. - e si proponet comente  mèdiu de comunicatzione atzessìbile a totus e ricu de potentzialidades espressivas chi sunt una cosa de non pòdere crèere. S'interessu pro custa limba  no est mortu pro nudda: su Guinness de sos   Primados  càrculat su nùmeru  de sos faeddadores de custa limba internatzionale, prima limba planificada in su mundu, in unos ses milliones. S'esperanto, difatis, consentit  a totus, a beru in pagu tempus, de  comunicare cun fatzilidade cun pessones chi benint dae totu su mundu,  e pro custa resone ant giai annuntziadu sa presèntzia issoro in s'eventu   finas pessones de su  Camerun, de su Togo,  de su  Pakistan.

 

Ligàmene: http://iej.esperanto.it


 


#Sarvadore Serra

» in segus