bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

papiros
cumpartzi custa noa cun sos amigos tuos invia mail stampa

Noas


24/03/2011

Non cambiemus sa limba

Una campagna de sos giuristas catalanos pro non cambiare sa limba cando unu andat a tribunale

Sa  Asociación de Juristas en Defensa de la Llengua Pròpia (Assòtziu de Giuristas in Defensa de sa Limba Pròpia)  at postu in caminu  sa campagna 'No Canviem de Llengua' (Non cambiemus sa limba) pro cumbìnchere sos tzitadinos a non cambiare sa limba cando s'indiritzant a sos organismos de giustìtzia e, si faeddant in catalanu, lu potzant usare sena colare a s'ispagnolu.

In una decraratzione  a Europa Press, su portaboghe de s'assòtziu, ex giùighe e avogadu  ispetzializadu in deretu tzivile Agustí Carles Garau, at craridu chi, sigomente sa lege dat a su tzitadinu  su deretu de èssere servidu in sa limba materna sua, s'Amministratzione de sa Giustìtzia  est "preparada" pro lu fàghere.

Custu grupu de giuristas est in pessamentu, ca sos datos mustrant chi s'impreu de su catalanu in sos tribunales at minimadu  -in su 2004 ant fatu  unu 20% de sentèntzias in catalanu cando chi in su 2009 sunt istadas su 16%- .

Sa finalidade de custa initziativa  est a fàghere ischire a sos tzitadinos chi s'Amministratzione de sa Giustìtzia  est pronta a los servire in catalanu, ca sos datos ufitziales relativos a su personale de sos tribunales  mustrant chi su 99% cumprendet su catalanu, su 91,7% lu faeddat e s'80,6% podet iscrìere documentos giurìdicos in catalanu.

A propòsitu de s'usu iscritu in sos tribunales, su 15,9% impitat su catalanu pro elaborare mòdulos, cando chi su 67,8% impitat s'ispagnolu; unu 8,2% utilizat  su catalanu  in sa redatzione de sas sentèntzias, cando chi unu  64% lu faghet in ispagnolu.

Su  14,2% at adotadu su critèriu  de utilizare su catalanu  in sa redatzione  de su restu de sa documentatzione e su  51% de sos ufìtzios at adotadu s'ispagnolu.

Pro custu su grupu de giiuristas at incaminadu una campagna informativa, finas cun unu suportu  web e unu grupu facebook.



#Sarvadore Serra

» in segus