bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

papiros
cumpartzi custa noa cun sos amigos tuos invia mail stampa

Noas


18/02/2011

Sos pitzinnos bilìngues sunt prus ispavillos.

Lu mustrant sos istùdios prus reghentes

A cunfrontu de sos fedales issoro  mustrant una abilidade prus manna in sa risolutzione de sos problemas  e isvilupant una capatzidade de cuntzentratzione, in sos traballos in classe, chi los faghet  impermeàbiles a sos sonos e los faghet abbarrare  cuntzentrados in s'esertzitatzione. Chie sunt? Sos pitzinnos bilìngues. Lu mustrant sos istùdios prus reghentes:  chie faeddat duas limbas  dae sos primos annos de vida tenet, a s'ispissu,  prus capatzidades de sos àteros. E sa cosa chi faghet ispantu est chi sos vantàgios  non bi sunt petzi  in su campu linguìsticu, ma interessant finas  su setore sotziale  e su de sa comunicatzione.

Lu narat Maria Kihlstedt, professora in s'Universidade  Paris-X Nanterre e esperta in imparòngiu primidiu de una segunda limba, intervènnida in sa  cunferèntzia «Il bilinguismo infantile: manna o fardello?», chi ant fatu in su tzentru  culturale Saint Louis de France in  Roma. A pàrrere de sa psicolinguista, sos ùrtimos istùdios in  matèria mustrant che «chie dae sa pitzinnia est indiritzadu  a s'imparòngiu  de una segunda limba presentat, in sos annos a pustis,  un'elastitzidade mentale manna e una pertzetzione aguda e sùtile a beru  de sas règulas comunicativas».

Custas iscobertas sientìficas ant liberadu su campu dae sos pregiudìtzios chi bi sunt semper istados  contra a s'educatzione bilìngue. In s'època chi bi fiat sa lògica  «un'Istadu  e duncas una limba », su bilinguismu lu cunsideraiant  «dannosu» e su misturitzu  de sas limbas  lu bidiant comente  una forma de  «burdùmene». «Oe est craru chi no est prus gasi – narat Maria Kihlstedt – finas ca forsis non totus ischint  chi su bonu   de sa populatzione mundiale est bilìngue  e chi su monolinguismu de s’Otzidente, in custu sensu, rapresentat un’etzetzione». 
 

#Sarvadore Serra

» in segus