bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

papiros
cumpartzi custa noa cun sos amigos tuos invia mail stampa

Noas


17/02/2011

In defensa de sa limba catalana in iscola

Naschet su coordinamentu "Som escola".

Unos cantos comitados tzìvicos  e assòtzios culturales de Catalugna  ant formadu su coordinamentu  "Som escola",  pro difèndere su ruolu  de su catalanu comente limba veiculare  de s'insinnamentu, a pustis de  sas sentèntzias  de sa Corte Costitutzionale  chi ant postu in perìgulu custu modellu didàticu.

Su manifestu de su coordinamentu, chi b'ant giai aderidu unos trinta  comitados e assòtzios, narat chi  "s'immersione  linguìstica e s'impreu  de su catalanu  comente limba veiculare ant dadu fortza e solididade a custu modellu, chi at tentu su reconnoschimentu  de unas cantas istitutziones internatzionales".


"Som escola"   ponet in craru chi "custu modellu linguìsticu at agiuadu   in manera determinante  a minimare su disechilìbriu mannu in dannu de su catalanu, limba pròpia de Catalugna, a cunfrontu  de s'ispagnolu".

Su coordinamentu, duncas,  cundennat "sas sentèntzias de sa Corte Costitutzionale  ispagnola contra a s'iscola  catalana e sos ricursos  chi las inspiradas" ,  e faghet "un'apellu a  sighire a afortire su modellu de iscola  catalana e a gherrare cun totu sos mèdios democràticos  pro non pònnere in perìgulu sa cultura nostra e sa coesione sotziale nostra".


#Sarvadore Serra

» in segus