bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

papiros
cumpartzi custa noa cun sos amigos tuos invia mail stampa

Noas


02/01/2011

Die de sa limba sarda in Nùgoro

L'at proposta su grupu Sel in su Cussìgiu comunale

Una die de sa limba sarda in sas iscolas de Nùgoro a su nessi una bia in su mese. L'ant proposta Graziano Pintori e Alessandro Ticca, cussigeris de  Sel (Sinistra, ecologia e libertà), in un'òrdine de sa die chi ant presentadu in su cussìgiu comunale.
S'òrdine, in prus de impinnare sa Comuna de Nùgoro, pedit a sa Regione de adeguare sos finantziamentos pro una divulgatzione prus manna de su sardu: difatis, petzi s'1 pro chentu de su bilàntziu regionale est assinnadu a sa tutela de sa limba sarda, contra a su 15 pro chentu de Trento e su 50 pro chentu de Bolzano pro sas minorias de limba tedesca.
Sa die de sa limba sarda diat dèvere interessare finas sos dipendentes de sa Comuna e de totu sos ufìtzios pùblicos, chi si diant pòdere espressare in sardu cun su pùblicu cada bia chi si nde presentet s'ocasione.
In fines, Pintori e Ticca proponent de fàghere in Nùgoro, un bia in s'annu, una "Festa de sa limba sarda", in ue sas famìlias siant sas protagonistas beras de s'eventu.

#Sarvadore Serra

» in segus