Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

cumpartzi custa noa cun sos amigos tuos invia mail stampa

NOAS de sa SLS


16/11/2017

Sotziedade pro sa Limba Sarda: PRESENTE E VENIDORE DE SA LIMBA SARDA

Ideas de Polìtica linguìstica

Pustis de sa Cunferèntzia de eris, 15/11/2017, in Aristanis, Hotel Marianu IV,
publicamus custu Comunicadu a sos Mèdios de Informatzione:
...
COMUNICADU
Sa Sotziedade pro sa Limba Sarda pessat chi, in sa cunditzione atuale de sa limba sarda, in ue sos mannos sighint a la faeddare ma sunt semper de mancu sos pitzinnos chi la connoschent e la faeddant, bi chèrgiat unu movimentu mannu de opinione de sa gente e s'interventu costante de sas Istitutziones.
In particulare, sa SLS pessat chi, pro unu tempus venidore seguru pro sa limba sarda, bi chèrgiat dae parte de sa RAS una Lege de Polìtica Linguìstica urgente, a su nessi cun custos puntos:

* Ufitzializatzione de sa LSC o de sa delìbera sua de su 18 de abrile de su 2006
* Libertade de impreu de variedades locales e literàrias
* Curricolaridade in/de su sardu in iscola in manera paritaria, cun professores de ruolu
* Istitutzione de una facultade/cursu de làurea de limba sarda
* Nòmina e formatzione de unu Referente de sa limba sarda in cada Amministratzione comunale, in mesu de sos dipendentes giai assuntos
* Istitutzione de una facultade de tradutzione
* Limba sarda comente matèria (a su nessi 20h) in cada Cursu de Làurea in Sardigna
* Iscola de formatzione de maistros e professores in/de sardu
* Iscola de formatzione pro s'amministratzione pùblica in/de sardu
* Iscola de formatzione de adultos
* Iscola de didàtica
* Radiu e TV de sa RAS, generalista e didàtica
* 50% de agiudos a s'editoria in sardu
* Organismu pro guvernare sa norma linguìstica (lèssicu e tèrmines)
* Presèntzia normale de su sardu in totu sos àmbitos pùblicos amministrativos, a su nessi in RAS
* Agiudu a impreu de su sardu normativu in àmbitos privados: entes, impresas, etc.

Sotziedade pro sa Limba Sarda
Diegu Corràine, presidente
Antoni Nàtziu Garau, vitzepresidente
Lisandru Beccu, segretàriu

Aristanis, 15/11/2017



#Diegu Corràine

» in segus