Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

cumpartzi custa noa cun sos amigos tuos invia mail stampa

NOAS de sa SLS


09/03/2016

PRESENTADA DE SU PRÈMIU M L WAGNER

In Casteddu su 18 de martzu de su 2016

Sa Sotziedade pro sa Limba Sarda at publicadu su bandu de su Prèmiu "Max Leopold Wagner" pro tesis de làurea iscritas in sardu o chi faeddant de linguìstica sarda.
Su prèmiu est partzidu in duas setziones:
1) Tesis de làurea iscritas in sardu, de cale si siat argumentu o facultade. (PRÈMIU 500€).
2) Tesis de làurea chi faeddant de linguìstica sarda, iscritas in cale si siat limba (PRÈMIU 500€).


Podent leare parte a su cuncursu totu sos laureados e laureandos chi ant presentadu sa tesi issoro in sos ùrtimos 3 annos acadèmicos. S'iscadèntzia pro bi partetzipare est su 31 de trìulas de su 2016.

S'Assòtziu Su Majolu organizat una presentada de custu cuncursu in s'Universidade de Casteddu, pro lu fàghere connòschere a totus sos istudentes de s'ateneu, a sos laureados e a sos laureandos.
Nd'at a chistionare cun Diegu Corraine, presidente de sa Sotziedade pro sa Limba Sarda.

Sa presentada est chenàbura su 18 de martzu a sas h. 18:00, in s'àula Magna de su Dipartimentu de Sièntzias Polìticas, viale Fra Ignazio 78, CASTEDDU.

Non manches!


#red. Limbas & Natziones

» in segus