bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

cumpartzi custa noa cun sos amigos tuos invia mail stampa
documentu 1 di 2
 

07/04/2012

Sa Catalugna indipendente diat pòdere fàghere parte deretu de s'Unione Europea

Est su chi cheret "Iniciativa Ciutadana Europea"

Si sa Catalugna  otengerat  s'indipendèntzia, diat pòdere devènnere deretu un'Istadu membru de s'Unione Europea. Custu, a su nessi,  est su chi cheret sa prima Iniciativa Ciutadana Europea chi est istada presentada. Si tratat de otènnere unu cuadru legale  chi permitat a totu sos Istados creados dae pagu, nàschidos dae sa setzessione democràtica dae un'Istadu membru, de fàghere parte de sa UE in manera automàtica. A s'initziativa, promòvida dae sa formatzione polìtica catalana Reagrupament, adderint tzitadinos  de 7 Istados membros (Germània, Ispagna, Finlàndia, Frantza, Lussemburgu, Olanda  e Rennu Unidu) e devet collire in totu unu millione de adesiones. Dae como a duos meses, sa Cummissione Europea at a nàrrere si atzetat  o si refudat sa proposta.
Iniciativa Ciutadana Europea est s'ecuivalente  de una Initziativa Legislativa Populare a livellu europeu. Pro la mandare a dae in antis, cheret chi si formet  un Comitadu cun tzitadinos de sete Istados membros. Su Comitadu  presentat s'initziatva a sa Cummissione Europea. Su nùmeru de sas firmas de collire si càrculat multiplichende  pro 750 su nùmeru de deputados chi cada paisu  de su Comitadu  tenet in su Parlamentu Europeu. In custu casu, sa tzifra netzsessària  est , pretzisamente, unu millione. 


#Sarvadore Serra

» in segus