bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Limbas&Natziones: :: LIBROS·PELLÌCULAS·SITOS:
cumpartzi custa noa cun sos amigos tuos invia mail stampa

LIBROS·PELLÌCULAS·SITOS:


24/10/2012

S'acontèssida istrana de Dr. Jekyll e Sr Hyde

de Robert Louis Stevenson, bortadu in sardu dae Càrminu Pintore

"Strange Case of Dr Jekyll and Mr Hyde" (custu est su tìtulu originale) Stevenson l'at publicadu in su 1886.  Como si podet lèghere finas in sa limba nostra. Sa tradutzione dae s'inglesu  a su sardu l'at fata Càrminu Pintore.  L'at publicada sa sotziedade editoriale Condaghes, in sa sèrie SenaLàcanas.

S'avogadu  Utterson est isgrisidu meda pro neghe de su testamentu de su cumpàngiu corale suo Dr. Jekyll. In ie b´at iscritu chi, si in casu  su dutore s´imbergat, tando unu chi si narat Hyde diat dèvere intrare in parte sua. Ello chie est custu Edward Hyde, chi totu Londra nde faeddat male , e chi lu sunt finas chirchende pro òperas malas chi at fatu? Ite b´intrat s´amigu suo nòdidu cun cussu dimòniu? In custu contu ispantosu, Stevenson nos faeddat de su Bonu e de su Malu, de su chirru nostru prus dèghidu chi bogamus a campu e de su chirru nostru malu chi istichimus. Su gèniu iscotzesu, cun s´istile suo donosu e desempladu, nos acumpàngiat in custu viàgiu orrorosu.

Editore: Condaghes
Annu de Publicatzione: 2012
Sèrie: SenaLàcanas
ISBN:  978-88-7356-172-9
Pàginas: 112
Preju: 12,00 

#Sarvadore Serra

» in segus