bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Limbas&Natziones: :: LIBROS·PELLÌCULAS·SITOS:
cumpartzi custa noa cun sos amigos tuos invia mail stampa

LIBROS·PELLÌCULAS·SITOS:


15/10/2012

Istòria de unu cau marinu e de su gatu chi l'aiat imparadu a bolare

de Luis Sepùlveda, bortadu in sardu  dae Diegu Corràine

"Historia de una gaviota y del gato que le  enseñò a volar" Luis Sepùlveda  l'at publicadu   in su 1996.  Como b'est finas  sa versione in limba sarda. Sa tradutzione dae s'ispagnolu  a su sardu l'at fata Diegu Corràine.  L'at publicada sa sotziedade editoriale Papiros, in sa sèrie SenaLàcanas 

In custu contu pro pitzinnos, su cau marinu Kengah nch'abbarrat tentu in sa "maleditzione de sos mares", un'unda de petròliu pèrdidu dae una petrolera in una traschia manna. Cun sas ùrtimas fortzas, Kengah resessit a cròmpere a Amburgu. Cando b'arribat, ruet a unu curridore de una domo in  ue istat Zorba, unu gatu mannu pilinieddu cun una magra bianca in sa gula. In antis de mòrrere, su cau marinu resessit a li dare su primu ou suo a Zorba, pedende-li de non si nche mandigare s'ou, de li dare cara finas a cando non naschet su fìgiu, de l'imparare a bolare cando est mannu...

Editore: Papiros
Annu de Publicatzione: 2011
Sèrie: SenaLàcanas
ISBN:  88-85138-90-X
Pàginas: 84
Preju: 11,00 

#Sarvadore Serra

» in segus