bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Limbas&Natziones: :: LIBROS·PELLÌCULAS·SITOS:
cumpartzi custa noa cun sos amigos tuos invia mail stampa

LIBROS·PELLÌCULAS·SITOS:


28/06/2012

Gadduresu, tataresu e àteros faeddos

Si nde faeddat in unu libru de Màuru Maxia

Sa Sotziedade editoriale  Taphros at publicadu  su libru de Màuru Maxia,“Fonetica storica del gallurese e delle altre varietà sardocorse”. Est un’òpera fundamentale  pro connòschere sos idiomas chi si faeddant  in s’ala de susu de sa Sardigna. Custu volùmene analizat  totu sos fenòmenos fonèticos prus de importu  chi caraterizant  sas variedades  sarducorsicanas (gadduresu,tataresu, casteddanesu , sedinesu, maddaleninu) cun esempros e cunfrontos numerosos a beru. S’òpera est articulada  in 753 paràgrafos  partzidos  in tres partes  riservadas, rispetivamente, a su  vocalismu (117), a su cunsonantismu (528) e a sos fenòmenos generales  (108). Sas formas mentovadas  sunt  unas mìgias. In particulare b’at de sinnalare  prus de  3.800 formas propiamente  sarducorsicanas (gadduresu, tataresu e variedades minores); 522 formas  corsicanas; 692 sardas; 241 italianas; 197 catalanas e ispagnolas. Su libru, chi tenet unu tràgiu sientìficu, mustrat, finas cun  fontes documentàrias raras, chi su prus de custos idiomas fiant giai  in usu in su Treghentos, duncas  tres sèculos in antis  de s’època  chi   istudiosos medas creiant finas a como. Su volùmene est  in formadu 18x25;  tenet  328 pàginas e b’at finas  45 cartinas  a colores.  


#Sarvadore Serra