bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Limbas&Natziones: :: LIBROS·PELLÌCULAS·SITOS:
cumpartzi custa noa cun sos amigos tuos invia mail stampa

LIBROS·PELLÌCULAS·SITOS:


14/01/2012

Sa prima ghia turìstica sarda pro catalanos

L'ant publicada in Bartzellona

Ant publicadu de reghente in Bartzellona sa prima ghia in catalanu de sa Sardigna. Dae S’Alighera a Casteddu (2011). Una ghia fata bene meda,  de una calidade a beru superiore  a sas chi aiant publicadu finas a como. Marc Planas e Isabel Garcia, gràtzias a s’editoreTriangle Postals, e a pustis de àere traballadu cun profetu in su campu, ant publicadu una ghia pessada pro unu pùblicu catalanu chi si chèrgiat godire  “un’ìsula de contrastos e prena de sorpresas”.
In prus de dughentas pàginas a colores, cun fotografias fatas dae sos autores etotu, agatamus  un’acostiada a s’ìsula e a s’istòria sua, informatziones profetosas pro totu sos chi cherent viagiare, e bator itineràrios chi nos ant a fàghere connòschere s’ìsula dae nord a sud e dae est a ovest: S’Alighera  e su fùrriu,  Costa Ismeralda, Gulfu de Orosei e "Dae Casteddu a Aristanis". Sso itineràrios sunt pessados pro los realizare in una chida e proponent variantes diferentes, a praghere de su viagiadore.
Una mapa a iscala, ùtile a manìvile a beru, bos at a agiuare  a bos mòvere in sa  geografia sarda sena tropu dificultades, mescamente si sighides sos itineràrios chi sos autores descrient a fine: marinas, nuraghes, biddas e tzitades, tretos curiosos. Sos testos de Marc de Isabel bos ant a fàghere cumprèndere unu pagu in prus su caràtere sardu in s’ìnteri chi iscoberides sa Sardigna bera.
Gasi etotu b’at unu minivocabulàriu in limba catalana, italiana e sarda, a manera chi sos viagiadores catalanos interessados a sa limba sarda potzant nàrrere sas primas paràulas  issoro in sa limba bostra.

[de Joan Elies Adell Pitarch, dae Eja, n. 7, 2011]

#Sarvadore Serra

» in segus