bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Limbas&Natziones: :: LIBROS·PELLÌCULAS·SITOS:
cumpartzi custa noa cun sos amigos tuos invia mail stampa

LIBROS·PELLÌCULAS·SITOS:


10/10/2011

Su Rennu de Sardigna in època moderna.

Unos cantos istùdios subra de s'istòria nostra

Giai publicadu in catalanu in su 2008 cun su tìtulu El regne de Sardenya a l'època moderna comente nùmeru monogràficu de sa rivista "Afers", est torradu a essire  in italianu, in su 2010, gràtzias a s'editore CUEC de Casteddu, cun  su tìtulu de  "Il Regno di Sardegna in età moderna. Saggi diversi", e su cuidadu de su prof. F. Manconi.
Custu libru colletàneu proponet unu cuadru partziale e, si cherimus, iscantzigheddadu, de s'istòria de Sardigna in època moderna. In noe istùdios, istòricos catalanos, valentzianos, bascos e sardos leant in cunsideru unos cantos nodos (comente, pro nàrrere, sa dialètica polìtica intre su tzentru e sa periferia, sos ligàmenes istitutzionales e culturales intre s'ìsula e sa madrepàtria catalana, su cummèrtziu, s'incuisitzione, su banditismu e totu gasi) fundamentales pro cumprèndere s'essèntzia istòrica de su rennu insulare in intro de sa Monarchia plurale de sos Asburgos de Ispagna.
Custa regorta  est finas un'atestadu de sas relatziones sientìficas, semper prus fortes e profetosas, intre sas universidades ispagnolas e sardas, e de sos progressos fatos in sas ùrtimas deghinas de annos dae sos istùdios istòricos subra de sa Sardigna moderna.

Ed. CUEC/ limba: italianu/pp.236/€ 13,00

#Sarvadore Serra

» in segus