bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

Limbas&Natziones: :: LIBROS·PELLÌCULAS·SITOS:
cumpartzi custa noa cun sos amigos tuos invia mail stampa

LIBROS·PELLÌCULAS·SITOS:


Storia del genocidio armeno.Conflitti nazionali dai balcani al Caucaso


Tradutzione: Flores D'Arcais
Editore: Guerini e Associati
Data de Publicatzione:
2003
Collana:
Carte Armene
ISBN:
8883354621
Pàzinas:
491
Preju:
35.00 èuros



Custu libru est un'anàlisi de su zenotzìdiu armenu in sa prima gherra mundiale, cunsideradu comente su primu zenotzìdiu de s'istòria de su noighentos. S'iscritore, esaminende sos documentos ufitziales de sos turcos otomanos, de sa Zermània e de s'Austria, chi fiant alleados cun sa Turchia, recostruit su protzessu longu de s'eliminatzione sistemàtica e violenta de sos armenos e dimustrat sa boluntade, sa premeditatzione e responsabilidade istòrica e morale de s'istermìniu de su pòpulu armenu.

Sa trazèdia non est petzi pro sos 1.500.000 mortos, a parrer de sos istudiosos armenos, difatis su libru prus chi no àteru denùntziat s'indiferèntziam totale, su "crimine de su mudìmene" internatzionale e zenerale chi galu est gasi pro ite in sos libros de istòria non si nde faeddat belle mai. E sa literatura, sa cultura e identidade de unu pòpulu sunt istados cantzellados dae sas cartinas e atlantes de s'Anatòlia. Pro custu motivu, narat Dadrian, «sos fatos de cussa època sunt finidos in sas zonas umbrosas de s'Istòria e ant meritadu su nùmene "zenotzìdiu ismentigadu"».

In su libru essit a campu sa responsabilidade de sa comunidade internatzionale pro no aer punidu sos faltosos e a sa fine Dadrian ponet a cunfrontu su zenotzìdiu armenu cun cussu de sos ebreos ca pro s'autore est importante a connoscher e a cumprender su passadu pro poder fraigare su tempus benidore e pro no ismentigare.

Vahakn Dadrian est autore de  libros meda e artìculos chi tratant mescamente de zenotzìdiu e de minorias e como est su diretore de sa chirca subra de su zenotzìdiu in su Zoryan Institute.


#deus ex machina