Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

cumpartzi custa noa cun sos amigos tuos invia mail stampa

ITE EST SA SLS


Ite est sa SOTZIEDADE PRO SA LIMBA SARDA

Sa SOTZIEDADE PRO SA LIMBA SARDA est un'assòtziu culturale sena finalidades lucrativas, chi òperat pro afortire sa normativa de sa limba sarda e fàghere a manera chi su sardu siat limba normale in sa sotziedade e in su territòriu.
Sa finalidade prima de sa SLS est sa de “promòvere, ampliare, difùndere e abbalorare cun cale si siat mèdiu sa connoschèntzia e s’impreu de sa limba sarda
In annos e annos, sa SLS est istada su puntu de referèntzia de sas elaboratziones e gherras in favore de s'unidade e de s’ufitzialidade de sa limba sarda. E custu l'at fatu cun deghinas de cunferèntzias, seminàrios, in deghinas de biddas de Sardigna. Si podet nàrrere chi sa SLS at inauguradu sa traditzione de faeddare in sardu in pùblicu, cosa rara finas a tando. E at finas eredadu sa traditzione e sas ideas de su Comitadu de sa Limba Sarda chi aiat sestadu e promòvidu sa lege de initziativa populare pro s'atuatzione de s'art. 6 de sa Costitutzione de sa RI e su reconnoschimentu de sa Minòria linguìstica sarda, duncas.
Ma est finas sa sotziedade chi at dadu fortza a su protzessu de istandardizatzione de sa limba sarda, cumintzadu cun su seminàriu internatzionale "Presente de sas limbas minoritàrias e problemas de sa normalizatzione issoro”, su 25-9-88, in Santulussùrgiu, e culminadu in su 2001 cun sa LSU e in su 2006 cun sa LSC.
........................................................................................................
Su sìmbulu de sa SLS
Su sìmbulu nou de sa Sotziedade est formadu dae una S formada dae duas "limbas", cun sos colores de sa bandera sarda: su ruju rapresentat sa fortza e s'unione de sas pessones e su nieddu sa finalidade de sas pessones chi s'aunint in sa SLS: s'istima pro sa limba sarda e pro su progressu suo.
........................................................................................................

Presidente: Diegu Corràine

VitzePresidente: Antoni Nàtziu Garau

Segretàriu: Lisandru Beccu


Comitadu Sientìficu: Micheli Còntini (Presidente), Xavier Lamuela, Francisco Fernandez Rei, Diegu Corràine

........................................................................................................
In ue semus
Tenimus un'Ufìtziu de sa Limba Sarda (SLS), c/o UniNU, carrera de Salaris 18, 08100 NÙGORO, Sardigna, in ue retzimus sas pessones interessadas a su sardu
su mèrcuris dae sas 5 a sas 7 de sero
Tel. 349.6726349
........................................................................................................
Còdighe fiscale
92019030920


#System Manager