bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

cumpartzi custa noa cun sos amigos tuos invia mail stampa
documentu 16 di 16
 

17/11/2010

Lotus Symphony, pachete integradu, alternativa de badas a Office 2010

Sa IBM l'at atualizadu de reghente a sa versione 3  |  Aunit elaboratzione de testu, presentatziones, tabellone eletrònicu  | Pro sistema Win, MacOs e Linux

S'aplicatzione pro impitada de s'ofimàtica, e belle de seguru sa prima, est s’elaboradore de testu. Est ismpreadu mescamente dae sos istudentes, professores, iscritores, giornalistas, etc., pro... iscrìere testos.

De seguru sos elaboradores de testos prus connotos sunt WORD de Microsoft Office e WRITER de Open Office. Su primu est a pagamentu (cun iscontos pro istudentes e professores), su segundu est lìberu, in pràtica de badas. OO, urtimamente est belle firmu, ca su prus de sos isvilupadores voluntàrios si sunt ghetados in s’isvilupu de LibreOffice, un’evolutzione de OO, semper lìberu e de badas. Sa caraterìstica de custos est chi sunt pachetes chi aunint programas de elaboratzione de testu, presentatziones, tabellone eletrònicu.

Sende gasi, custos programas non sunt sos ùnicos. B’at àteras aplicatziones sìngulas, bonas meda, in totu sos sitemas operativos. Calicunu tenet versiones pro cada sistema operativu.

Un’alternativa noa a sos pachetes integrados giai connotos est Lotus Symphony de sa IBM, arribbadu dae pagu a sa versione 3, in su sistema Win, MacOs e Linux. Tenet un’interfaghe prus galana e bene cuncorcada de Open Office ma prus pagu elaborada de Word 2010.

Lotus Symphony cunsentit sa visualizatzione/editzione de prus de unu documentu in borta, pro more de su sitema a limbeddos. Sa diferèntzia cun sos àteros pachetes de ofimàtica (Office, Open *Office, etc.) est chi est unu programa ùnicu chi gestit in su matessi mamentu 3 genias de documentos. Pro nàrrere, si podet trabalalre in unu unu testu e abèrrere in su matessi mamentu unu fògiu de càrculu, sena cungiare perunu de sos duos protzessos.

Duncas LS est s’issèberu giustu pro chie cheret tènnere programas bastante cumplessos ma sena pagare unu soddu!

#Diegu Corràine


» in segus