bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

cumpartzi custa noa cun sos amigos tuos invia mail stampa
documentu 3 di 16
 

02/09/2011

Amazon diat pòdere èssere su rivale de Apple in su mercadu de sas "tauleddas"

Diat pòdere bèndere chimbe milliones de dispositivos mòbiles in s'ùrtimu trimestre de s'annu

Su portale Amazon.com diat pòdere bèndere intre tres e chimbe milliones de tauleddas in s'ùrtimu  trimestre de s'annu e  diat pòdere devènnere, duncas, su rivale prus mannu  de s'iPad.  Gasi narat sa cumpangia Forrester Research. Amazon galu no at annuntziadu  in manera ufitziale chi cheret pònnere  in su mercadu  una  "tauledda" sua, ma un'istùdiu de mercadu de Forrester mustrat chi, si bi sunt sas cunditziones giustas, su produtu diat pòdere resessire bene.

S'analista Sarah Rotman at pretzisadu chi  una "tauledda" posta in su mercadu a un preju chi no  nche colet sos 300 dòllaros diat pòdere permìtere a Amazon -bastet chi  apat bastante produtzione pro cuntentare sa dimanda- de bèndere intre  tres e chimbe milliones de dispositivos.

"Amazon tenet su potentziale  non petzi pro bèndere bene su machinàriu suo, ma finas pro èssere una prataforma informàtica  pro sos servìtzios de impresa", at agiuntu Rotman, chi pessat  chi in un'annu  bi diat pòdere àere  diferentes "tauleddas" de Amazon faturadas pro diferentes impresas.

"Apple tenet unas 100.000 aplicatziones disinnadas pro s'iPad, cando chi  sa prataforma Honeycomb de Google at atiradu prus pagu de 300 aplicatziones", at postu in craru  s'analista.

Pagu cuncurrèntzia

Apple at bèndidu belle 30 milliones de 'iPads dae s'essida  de su mese de abrile de su 2010, e sas impresas rivales ant postu pagu a tìmere  su gigante tecnològicu cun sas propostas issoro.

Motorola at bèndidu 440.000 unidades de sos dispositivos suos  Xoom in sos primos meses, cando chi  RIM at registradu mesu milliones de bèndidas de sa  BlackBerry PlayBook sua.

Custu matessi mese  Hewlett-Packard at cantzelladu  su TouchPad  suo ca at bèndidu tropu pagu, mancari su preju siat faladu a 99 dòllaros.

HP at cunfirmadu s'interrutzione  de sa produtzione de sos aparatos suos  cun sistema operativu WebOs, inclùdidu suTouchPad.


#Sarvadore Serra

» in segus