bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

cumpartzi custa noa cun sos amigos tuos invia mail stampa
documentu 4 di 16
 

29/06/2011

Sa rete sotziale Facebook in borsa dae su 2012

In antis, un'oferta pùblica de bèndida de atziones

Sa rete sotziale Facebook at a essire in  borsa in su primu  trimestre de su 2012 cun un'oferta pùblica initziale de bèndida de atziones chi at a valutare  sa cumpangia  100.000 milliones de dòllaros.  Gasi narat  sa cadena televisiva CNBC. Unu de sos fatores  chi Facebook est ponende in contu  pro cuncretare s'intrada sua a Wall Street est s'adeguamentu a  sa normativa nordamericana  chi òbligat  sas impresas  a informare de sos bilàntzios issoro  si tenent prus de 500 atzionistas.

A su chi narat  sa  CNBC, chi mentovat  fontes familiarizadas cun sos disinnos de Facebook, s'impresa est pessende de  comunicare a sa  Cummissione de su Mercadu de Valores de sos Istados Unidos chi nch'at a colare custu limenàrgiu  in s'agabbu de ocannu.

Sas matessi fontes  assegurant chi sos impreados  de sa rete sotziale  cun  sede in Palo Alto (Califòrnia) sunt pedende a su cussìgiu diretivu  de nche bogare sas  restritziones internas  chi no lis permitent  de bèndere sas partetzipatziones issoro  de sa sotziedade in sos mercados  segundàrios.

In su mese de ghennàrgiu coladu, sa sotziedade  fundada dae Mark Zuckerberg aiat giai imbiadu  unu memorandum a investidores potentziales in ue  si inditaiat comente data possìbile  de essida in  borsa su mese de abrile  de su 2012.

In su cumintzu de martzu, sa sutiscritzione  de investimentos General Atlantic l'ant fata cun su  0,1% de Facebook in un'operatzione  chi valutaiat  sa sotziedade  in 65.000 milliones de dòllaros.

Unas cantas chidas a pustis, sa rete informàtica  de astas privadas de atziones SharePost at cumpletadu una collocatzione de 100.000 tìtulos de Facebook pro 3,4 milliones de dòllaros, cosa chi nch'at fatu cròmpere  su  valore de mercadu de sa sotziedade  a 85.000 milliones de dòllaros.

Ligàmene: http://www.lamalla.cat/digitals/article?id=468590


#Sarvadore Serra

» in segus