Google at ammìtidu chi b'at piratas informàticos chi ant proadu a intrare a chentinas de contos de su servìtziu suo de posta eletrònica . "Custu atacu, chi paret chi bèngiat dae Jinan, in Tzina, paret chi apat interessadu sos contos personales de Gmail de chentinas de utentes, in mesu de custos càrrigas guvernativas artas de sos Istados Unidos, ativistas polìticos tzinesos in unos cantos paisos asiàticos (mescamente in Corea de su Sud), personale militare e giornalistas" b'at iscritu in su blog de sa sotziedade.
Sos responsàbiles de Google ant craridu chi sos tècnicos issoro ant fatu sessare s'atacu. "L'amus fatu ischire a sas vìtimas e amus postu in seguràntzia sos contos issoro. In prus, l'amus fatu ischire a sas autoridades guvernativas interessadas ",assegurant . Gasi etotu, ant postu in craru chi su sistema internu de sa sotziedade no est resurtadu espostu.
S'impresa informàtica creet chi sos 'hackers' cheriant visionare su cuntentutu de custos contos. Est presumìbile chi apant furadu sas paràulas de òrdine pro modificare sos paràmetros de imbiu e intrada a sos indiritzos.
Reuters informat chi sa Domo Bianca at asseguradu chi est faghende indàgines. "Semus analizende custa relatas e semus pedende sos datos", at naradu su portaboghe Tommy Vietor. "Non tenimus peruna resone de crèere chi calicunu siat intradu a contos de posta eletrònica de su Guvernu de sos Istados Unidos", at naradu in antis de indiritzare sos giornalistas a a s'FBI.
Pro contu suo, sa portaboghe de s'FBI pro chistiones de tziberseguràntzia, Jenny Shearer, at cunfirmadu chi s'agentzia at retzidu s'informativa de sa sotziedade Google, cun sa cale est traballende pro connòschere sos particulares de s'atacu.
Ligàmene: http://www.lamalla.cat/digitals/article?id=465978
cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.