bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

cumpartzi custa noa cun sos amigos tuos invia mail stampa
documentu 8 di 16
 

23/05/2011

Est aumentende sa bèndida de libros in formadu eletrònicu

Lu faghet ischire sa sotziedade Amazon

Su gigante de sas bèndidas in internèt  Amazon at fatu ischire chi est giai bendende prus  libros in formadu eletrònicu   chi no esemplares imprentados in pabiru,  pretzisende chi, dae abrile, est bendende 105 libros Kindle pro  cada 100 imprentados. Amazon bendet libros dae bìndighi annos, però petzi dae prus pagu de bator annos cummertzializat sos  Kindle, cun unu preju atuale  a fùrriu de sos 114 dòllaros.

"Sos clientes sunt giai  isseberende  prus libros  Kindle chi no imprentados. Ischiamus chi custu deviat capitare, ma non pessaiamus  chi capitaiat gasi in presse", at naradu in unu comunicadu istampa su fundadore e cussigeri delegadu de sa sotziedade, Jeff Bezos.

In su comunicadu Bezos pretzisat chi  su nùmeru de libros eletrònicos iscarrigados  no includet sos tìtulos gratùitos de Kindle, e chi in s'atualidade disponet de 950.000 tìtulos. De custos, unos 790.000 si bendent a su preju  de 9,99 dòllaros, cando chi àteros medas, anteriores a su  1923, sunt a discàrriga gratùita.

Dae su cumintzu de s'annu Amazon at aumentadu sa cuotatzione sua de su 10,45% e, in sos ùrtimos dòighi meses, de su 59,57%.


#Sarvadore Serra

» in segus