bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

cumpartzi custa noa cun sos amigos tuos invia mail stampa
documentu 9 di 16
 

19/05/2011

Tecnologias pro sa tradutzione in rete

Las est isvilupende s'Agenda digitale europea

S'ùrtima  inchiesta paneuropea Eurobarometer mustrat chi in sa rete  su  90% de sos internàutas  europeos preferint a consultare sitos informàticos  in sa limba issoro, cando chi su 55% impreant una limba diferente a su nessi  in manera ocasionale. Su 44% de sos navigadores europeos, però,  pessant de no agatare totu sas informatziones chi cherent ca sas pàginas informàticas  non sunt in una limba chi  cumprendent, cando chi petzi su 18% faghent còmporos in rete  in una limba angena. Sos resurtados marcant  s'esigèntzia  de investire in ainas pro sa  tradutzione in rete, a manera chi  sos internàutas  europeos non tèngiant problemas a agatare informatziones o produtos in internèt ca non possedint sas cumpetèntzias  linguìsticas  chi bi cherent.

Como sa  Cummissione europea est gestende 30 progetos de chirca  intzentrados in s'interfaghe  linguìstica e in su cuntenutu  digitale, finantziados  cun  67 milliones de èuros, cando chi a sos progetos noos presentados ocannu  ant a èssere assinnados  50 milliones de èuros in prus. Unu de sos obietivos de s'Agenda digitale  europea, organismu de sa Cummissione, est de garantire  a totu sos tzitadinos  un'atzessibilidade prus manna a sos cuntenutos de sa rete

Neelie Kroes, vitzepresidente de sa Cummissione europea e responsàbile de s’Agenda digitale, at decraradu : "Si cherimus a beru  chi totu sos tzitadinos europeos potzant atzèdere  a su  digitale, devimus èssere seguros chi potzant  cumprèndere sos cuntenutos  chi chircant in lìnia. Semus isvilupende tecnologias noas chi sunt a tretu de agiuare sas pessones  chi non cumprendent  una limba  istràngia".

 



#Sarvadore Serra

» in segus