bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

cumpartzi custa noa cun sos amigos tuos invia mail stampa
documentu 10 di 16
 

09/05/2011

Unu cungressu dedicadu a sas tecnologias mòbiles de ùrtima generatzione

L'ant fatu in Vilanova i la Geltrù, in Catalugna

Vilanova i la Geltrú (in sa fotografia, sa domo comunale) at agasagiadu sa manifestazione Genmob - The Smartphone Day. S'est tratadu de unu cungressu dedicadu  a sas tecnologias mòbiles de ùrtima generatzione,  cun cunferèntzias, laboratòrios, dibàtidos, traballu in rete e vetrinas. In s'addòviu, organizadu  dae s'  Escola Politècnica Superior d'Enginyeria de Vilanova i la Geltrú e su tzentru  tecnològicu Neàpolis, rapresentantes de Microsoft ant fatu una relata  a propòsitu  de sa prataforma noa   Windows Phone 7.  B'at àpidu finas sa presentada  de su G-15, su primu assòtziu  catalanu chi promovet s'impreu de sos telèfonos intelligentes (in inglesu, smartphones).

Su  Genmob - The Smartphone Day est su primu cungressu in  Catalugna dedicadu a sas tecnologias e a sos telèfonos mòbiles  de ùrtima generatzione (iOS iPhone, Android e Windows Phone 7). Ant tratadu  totu sas aplicatziones de sos telèfonos intelligentes,  dae sas chircas de mercadu,  a su geopositzionamentu, a su cummèrtziu virtuale.

Finalidade ùrtima de su cungressu fiat  sa de creare  sinergias intre sas impresas, chi disponiant de un'ispàtziu issoro  pro mustrare sos produtos a sos visitadores, faghende bìdere sas possibilidades mùltiplas chi dant custos telèfonos semper prus difusos in sa sotziedade.



#Sarvadore Serra

» in segus