bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

cumpartzi custa noa cun sos amigos tuos invia mail stampa
documentu 13 di 16
 

15/02/2011

Sos telefoneddos noos pro Facebook

Los ant presentados in  Bartzellona in su Cungressu Mundiale de sa telefonia mòbile

Peter Chou, diretore esecutivu de HTC, at abertu  sos traballos  faeddende de s'importàntzia e de su tempus venidore de sas aplicatziones  in sa telefonia mòbile,  presentende sos duos terminales   dedicados a Facebook. In totu, isse  at presentadu  chimbe terminales noos  de HTC, ma cussos ideados pro  Facebook ant polarizadu s'atentzione de sa gente.

Si narant HTC Chacha e HTC Salsa. Si diferèntziant  dae sos àteros terminales  pro su pulsante  frontale cun s'icona  de sa rete sotziale  reconnoschìbile in su mundu.  Chou at craridu  chi custu pulsante  non si lìmitat a abèrrere s'aplicatzione de Facebook, ma interagit cun sa rete sotziale: pro nàrrere, si podent pònnere sas fotografias in sa galleria o si podent cumpartzire sos vìdeos in bacheca

In prus, si incarcamus su pulsante in manera sighida, amus a intrare a Facebook Places, s'istrumentu chi nos permitet de cumpartzire su logu in ue semus: gustende in unu ristorante, abbaidende una pellìcula in su tzìnema  o sighende una cunferèntzia  in su Cungressu Mundiale de sa telefonia mòbile.

In definitiva,  HTC Chacha e HTC Salsa non tenent peruna optzione  chi non tèngiant àteros  smartphones. Però custos  HTC podent interagire  cun Facebook in una manera meda prus lestra e direta, ca los ant ideados in manera espressa pro custa finalidade .

 

 


#Sarvadore Serra

» in segus