bandera infosar
Pro impreare sos Agregadores de Noas RSS, incarca s'icona cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.

cumpartzi custa noa cun sos amigos tuos invia mail stampa

15/02/2017

Innàtziu

Su nùmene "Innàtziu", dae su lat. Ignatius, de orìgine non segura, in sardu est finas "Innàssiu", "Frennàtziu" e "Ignatius".

In particulare, "Frennàtziu", impreadu meda in Làconi, est su resurtadu de s'unione de "Fra(te)" e "(In)nàtziu", comente acuntesset a s'ispissu finas in àteras limbas. Pessemus a su nùmene ispagnolu "Santiago", chi no est àteru si non s'unione de "santo" + "Iago" (duncas in sardu "santu Giagu"). Difatis, in ispagnolu antigu, dae su latinu "sanctu", essiat "sant" in dae in antis de nùmenes cun incumintzu vocàlicu, diferente dae su modernu in ue est semper "san" in dae in antis de cumintzu cunsonànticu o vocàlicu: san Antònio, san Francisco, etc.

Duncas, in dies de oe, su nùmene antigu Sant Iago l'ant interpretadu comente chi esseret "San Tiago" (pustis "Santiago"), cun una faddina de segmentatzione de su faeddu —cun sa -t atribuida a Iago (chi esistit comente Yago) chi at fatu nàschere duos nùmenes mai esìstidos "Tiago" e "Santiago". In ispagnolu modernu a su sardu Giagu currispondet Jaime. In sos logos de limba castigliana, cun "Tiago" e "Santiago" b'at finas unu muntone de pessonàgios famados!

Cosas chi acuntessent in totu sas limbas.


#System Manager

» in segus

Ùrtimos PÀRRERES inseridos

SA LIMBA SARDA COMUNA E SA SOBERANIA LINGUÌSTICA

de Diegu Corràine

Mai comente in custos annos amus iscritu in sardu. E mai amus iscritu, che a como, in cada dialetu de cada bidda e logu. Sas retes sotziales e sos mèdios telemàticos e informativos modernos cunsentint a cadaunu de iscrìere finas in sardu, comente li paret. Sende chi tenimus una ...  [sighit]

Presentada de su romanzu inèditu «S'ARZOLA DE S'ENA» e Ammentu de Larentu Pusceddu

OROTEDDI, sàbadu  4 -2-2017, h 16.00

Die dedicada a s'iscritore Larentu Pusceddu, nàschidu in Oroteddi su 6-2-1947 e mortu in Roma su 9-1-2016. Saludos de: —Nannino Marteddu Sìndigu de Oroteddi —Mariàngela Salis Assessora de sa Cultura —Diegu Corràine Diretore editoriale de Papiros ed. Pre...  [sighit]

FUNDU DE SA LIMBA SARDA

Sa paràula "fundu", in sardu, cheret nàrrere àrbore, mata, ma finas caudale, dinare, richesa.  In custa pàgina de su FLS, "fundu" est una cantidade de dinare dadu dae pessones de bonu coro, chi sunt interessadas a su tempus venidore de sa limba sarda, paragonada a u...  [sighit]

Pro ite naramus "Bonas Pascas"?

de Diegu Corràine

Dae su lat. ecl. Păscha(m) (chi est dae gr. páscha, adatamentu de s’ebr. pesah ‘passàgiu’), in sardu tenimus “Pasca de Nadale (ita. "Natale"), Pasca de sos Tres Res, Pasca de Abrile (Pasca Manna) (ita. "Pasqua"), Pasca de frores (Pasca frorida, Pasca de s'Isp&ig...  [sighit]

Pro ite naramus “missa de puddu”?

de Diegu Corràine

A nàrrere “missa de puddu” pro inditare sa missa de mesunote de su 24, vigìlia de Nadale, est leadu dae su catalanu “missa del gall” o dae s'ispagnolu “misa de gallo” o “misa del gallo”. In portughesu narant “missa do galo”. ...  [sighit]

Cale est sa diferèntzia intre “carre” e “petza”?

de Diegu Corràine

In sardu tenimus faeddos diferentes pro inditare sa parte muscolare de su corpus umanu e sa parte animale chi madigamus. Dae su latinu “carne(m)” derivat in manera regulare (lat. -RN- > -rr-) su sardu “carre”, pro inditare sas purpas de su corpus umanu. Però b'est ...  [sighit]

«ISCRIE una Lìtera a sos TRES RES 2017»

EDITZIONE 2017, Annu 25 - NÙGORO Iscadèntzia: su 10-12-2016

... BANDU de su CUNCURSU ISCRIE una Lìtera a sos TRES RES 2017Annu 25 - NÙGORO A sas pitzinnas e a sos pitzinnos de sas Iscolas Elementares de SardignaA sas maistras e a sos maistros Ocannu, pro sa de bintighimbe bias, pro sa die de sa festa nostra, pro su 6 de ghennàrgiu de su...  [sighit]

"Die Universale de sos Pitzinnos, su 19 de santandria de su 2016"

In s'Istitutu cumprensivu 4, Iscola Primària de Sa Rodia, v. Cairoli snc, ARISTANIS

Pro festare sa “Die Universale de sos Pitzinnos”, su 19 de santandria, a sas 11.30, in s'Istitutu cumprensivu 4, Iscola Primària de Sa Rodia, v. Cairoli snc, ARISTANIS, Diegu Corràine, Antoni N. Garau e Isabella Tore ant a presentare a iscolanos e maistros: sa Mustra &l...  [sighit]

SOBERANIA

Sa soverania est su podere supremu de: a) rinuntziare a cale si siat podere pròpiu, b) de apartènnere a un'àteru istadu rinuntziende a cale si siat distintzione natzionale, c) de otènnere formas de autonomia natzionale, d) de formare una cunfereratzione istatale ...  [sighit]